616. 10 апреля. Преподобномученика Евстратия Печерского (1097 г.). Псалмы

1.

616. 10 апреля. Преподобномученика Евстратия Печерского(1097г.) (27.03.2004 12:50)
Яко ревнитель страсти Владычней,и постников усердный последователь сый,пленники учением твоим
наставль,Христови привел еси,Евстратие,и нас,пленных страстьми,мольбами своими свободи,
и подражатели честному твоему житию покажи,зовущих: радуйся,испивый сладостне
чашу Христовых страданий.
268. 10 апреля.Мч.Бояна,кн.Болгарского(ок.830г.) (27.03.2003 12:09)
Якоже Авель,от суда братняго,смерть приял еси и кровь твою пролиял еси за Искупившаго ны
честною Своею Кровию. От земнаго же к Небесному преставився Царствию,княже
и мучениче Енравоте-Бояне,моли Царя царей о нас,присных твоих.
267. 10 апреля.Прп.Илариона Псковоезерского,Гдовского(1476г.) (27.03.2003 12:01)
В молитвах бодрствуя,пресветлый храм Духа Святаго был еси,темже и чудотворец предивный
явился еси,преподобне отче наш Иларионе. О нас моли Христа Бога светом Божественнаго
познания просветити ны и спасти души наша.
289. 10 апреля.Прмч.Евстратия Печерского,в Ближних пещерах(1097г. (27.03.2003 11:42)
Постником и мучеником явился еси похвала,преподобне Евстратие прежде бо воздержанием плоть
умертвив,последовал еси Христу,нося крест свой. Последи же и сам на крест вознесен быв
и копием в ребра проподен,в руце Божии душу предал еси. Колесницею огненною
возносим на Небеса,сугубо венчался еси от Христа Бога и Спаса душ наших.
534. Песнопения из служб Триоди Постной(Страстная седмица)
(09.03.2004 12:35)
Иаков рыдаше Иосифова лишения,той же доблий седяще на колеснице,яко царь
почитаемь: египтяныни бо тогда сластем не поработав,воспрославляшеся
от Ведущаго человеческая сердца и Посылающаго венец нетленный.
Чертог Твой вижду,Спасе мой,украшенный,и одежды не имам,да вниду в онь:
просвети одеяние души моея,Светодавче,и спаси мя.
Тайной трапезе в страсе приближившеся вси,чистыми душами хлеб приимем,
спребывающе Владыце; да видим,како умывает ноги учеников,и сотворим
якоже видим,друг другу покаряющеся и друг другу нозе умывающе:
Христос бо тако повеле Своим учеником,предрек тако творить,
но не услыша Иуда,раб и льстец.
Вечери Твоея тайныя днесь,Сыне Божий,причастника мя приими:
не бо врагом Твоим тайну повем,ни лобзания Ти дам яко Иуда,
но яко разбойник исповедую Тя: помяни мя,Господи,во Царствии Твоем.
Разбойника благоразумнаго,во едином часе раеви сподобил еси,Господи:
и мене Древом Крестным просвети и спаси мя.
Распеншуся Тебе,Христе,погибе мучительство,попрана бысть сила вражия:
ниже бо ангел,ниже человек,но Сам Господи спасл еси нас,слава Тебе.
Спасение соделал еси посреде земли,Христе Боже,на Кресте пречистеи руце Твои
простерл еси,собирая вся языки,зовущия: Господи,слава Тебе.
Слава Отцу и Сыну и Святому Духу,и ныне и присно,и во веки веков.Аминь.