174. 10 ноября. Мученице Параскеве(Пятнице). Псалмы

1.

174. 10 ноября.Мученице Параскеве(Пятнице) (05.11.2002 16:37)
Премудрая и всехвальная Христова мученица Параскева,мужескую крепость приимши,
женскую же немощь отвергши,диавола победи и мучителя посрами,вопиющи и глаголющи:
приидите,тело мое мечем ссецыте и огнем сожгите,аз бо,радующися,иду ко Христу,Жениху моему.
Тоя молитвами,Христе Боже,спаси души наша.
503. 10 ноября.Свт.Арсения,архиеп.Сербского(1266г.) (06.11.2003 12:19)
Милости наставниче и благоутробия сокровище,еже всем отверзл еси,правоверию учителю и архиереев
Божественное удобрение,отче наш иерарше Арсение,нищих был еси Заступник: тем моли Христа Бога
просветити души наша,да не когда уснем в смерть.
В пищи словес твоих,богоносе Арсение,разумно чада твоя питая,языком хваля,
устнами же пение принося,вещанием зовый:Христе,Ты еси Свет неизреченный.
149. 10 ноября.Святителя Димитрия Ростовского (05.11.2002 16:19)
Звезду Российскую от Киева возсиявшую,и чрез Новград Северский в Ростов достигшую,
всю же страну сию ученьми и чудесы озарившую,ублажим златословеснаго учителя Димитрия,
той бо всех приобрящет,якоже Павел Христу,и спасет правоверием души наша.
Величаем тя,святителю отче Димитрие,и чтим святую память твою,
ты бо молиши за нас Христа Бога нашего.
460. 10 ноября.Мученицы Параскевы,нареченной Пятница(IIIв.) (08.11.2003 16:57)
Всесвятое и непорочное мучение принесши,яко вено пречестное,Безсмертному Жениху Христу,
Ангельское ликостояние возвестила еси и победила еси демонския козни: сего ради тя честно
верою чтим,мученице Параскево многострадальная.
459. 10 ноября. Преподобного Стефана Савваита,творца канонов(IXв. (06.11.2003 12:12)
Насадил еси добродетелей рай и напоил еси токами слез твоих,яко жизни,всеславне,древо получив,
спаси молитвами твоими от тли стадо твое,избави от обстояний тепле чтущих тя,Стефане,
тя бо,предстателя величайша,мудре,вси верою и любовию стяжахом.
458. 10 ноября. Мучеников Терентия и Неониллы и чад их(249-250г.г (06.11.2003 12:07)
Мученическая честная память прииде днесь,веселящи всяческая,Терентия премудраго и подружии его.
Тепле убо стецемся,да приимем исцеление,сии бо благодать приемше от Духа Святаго исцеляти недуги и
болезни душ наших.
150. 10 ноября.Иову,игумену Почаевскому (09.11.2002 12:55)
Возложь на ся иго Христово от юности,преподобне отче Иове,многолетне свято подвизался еси
на поприще благочестия во обители Угорницстей и на острове Дубенстем,и,пришед к горе Почаевстей,
знаменанней цельбоносною стопою Пресвятыя Богородицы,в тесней пещере каменней богомыслия ради
и молитвы многократно заключался еси,и,благодатию Божиею укреплялся,мужественно потрудился еси
на пользу Церкве Христовы и обители твоея,купно же и противу врагов Православия и благочестия
христианскаго,и,наставив сицевому ополчению иночествующих,победители тех представил еси
Владыце и Богу. Того моли спастися душам нашим.
769. 10 ноября. Преподобного Иова,игумена Почаевского(1651) (06.11.2006 16:43)
Преподобне отче наш Иове,моли Бога о нас.
Утвердися сердце мое во Господе,вознесеся рог мой о Бозе моем,разширишася на враги моя уста моя,
возвеселихся о спасении Твоем. Преподобне отче наш Иове,моли Бога о нас.
Есть во мне,отче преподобне,добраго исправления желание,но искушения лености побеждати
не навыкох,увы мне.Обаче на помощь твою надеяся,уныния помыслы отгоняю,на твою же взираю
славныя подвиги. Преподобне отче наш Иове,моли Бога о нас.
Сопутник житию моему буди,отче Иове,молитвою твоею ограждай многомятежную мою душу
и введи ю в Небесное Царство,твоими умиленную подвиги,Христу же покаянныя приносящую слезы.
Преподобне отче наш Иове,моли Бога о нас.
Явился еси Истинныя веры столп,Евангельских же заповедей ревнитель,гордыни обличение,
смиренным же предстатель и научение: темже и ублажающим тя грехов отпущение испроси
и обитель твою невредиму сохрани,Иове отче наш,Многострадальному подобный.
Господи,помилуй. Господи,помилуй. Господи,помилуй.
Широкий путь,погибель души предносящий,возненавидев,Иове преподобне,в тесней пещере
заключился ес и теснаго пути жизни в начальстве твоем не уклонился еси,день и нощь
в молитве и трудех пребывая и научение здравое всем приходящим к тебе подавая.
Преподобне отче наш Иове,моли Бога о нас.
Псаломски взывати к Богу на земли не преставал еси,
и девства твоего сосуд соблюл еси: темже на Небеси
райския воспеваеши ныне песни со Ангелы и всеми святыми,
люди же,на земли трудящияся,от Вышних назираеши.
Слава Отцу и Сыну и Святому Духу,и ныне и присно,и во веки веков,аминь.
742. (08.11.2006 17:16)
Слава Отцу и Сыну и Святому Духу,и ныне и присно,и во веки веков,аминь.
741. 10 ноября. Преподобного Нестора,некнижного,Печерского (06.11.2006 17:03)
Чист и прав сый сердцем,и свят,преподобне Несторе,душею,прост же паки и не умея сам чести книг,
сего ради чтущим я прилежне внимал еси и,оная в себе соблюдая,спешно тщался еси исправляти,

2.

яже яко разумен исполнив,обрел еси Царствие Небесное.
479. 10 ноября.Свт.Афанасия,Патриарха Константинопольского(1311г. (08.11.2003 17:06)
Чистоты жития светом страстное терние попрал еси и течением слез безплодную землю напоил еси,
Афанасие треблаженне,светило Царюграду,Патриархом удобрение,моли Христа Бога
спастися душам нашим.
478. 10 ноября.Преподобного Иова,игумена Почаевского(1651г.) (08.11.2003 17:02)
Явился еси истинныя веры столп,Евангельских же заповедей ревнитель,гордыни обличение,
смиренным же предстатель и научение: темже и ублажающим тя грехов отпущение испроси,
и обитель твою невредиму сохрани,Иове отче наш,Многострадальному подобный.
477. 10 ноября.Свт.Арсения,архиеп.Сербского(1266г.) (08.11.2003 15:28)
Милости наставниче и благоутробия сокровище,еже всем отверзл еси,правоверию учителю и архиереев
Божественное удобрение,отче наш иерарше Арсение,нищих был еси заступник: тем моли Христа Бога
просветити души наша,да не когда уснем в смерть.
В пищи словес твоих,богоносе Арсение,разумно чада твоя питая,языком хваля,
устнами же пение принося,вещанием зовый:Христе,Ты еси Свет неизреченный.
503. 10 ноября.Свт.Арсения,архиеп.Сербского(1266г.) (06.11.2003 12:19)
Милости наставниче и благоутробия сокровище,еже всем отверзл еси,правоверию учителю и архиереев
Божественное удобрение,отче наш иерарше Арсение,нищих был еси Заступник: тем моли Христа Бога
просветити души наша,да не когда уснем в смерть.
В пищи словес твоих,богоносе Арсение,разумно чада твоя питая,языком хваля,
устнами же пение принося,вещанием зовый:Христе,Ты еси Свет неизреченный.
415. 10 ноября.Святителя Димитрия,митрополита Ростовского(1709г.) (10.11.2003 11:41)
Основание духовной жизни есть любити Иисуса Христа всем сердцем и всею душею,
и рождшей Его по плоти возлюбленней Его Матери,Пречистей Приснодеве Марии,
поклонятися благоговейно и чтити Ю,яко препрославленную Царицу Небесную,
честнейшую Херувим и славнейшую Серафим.Преславная глаголашася о Тебе,
о священнейший храме,и раю словесный; истинно уповающии на Тя обрящут
вся сокровища небесныя,а не призывающии Тя в жизни сей,жизни вечноблаженныя лишатся.
О Премилосердная Владычице,сотвори,да живем благодатию Святаго Духа и сладчайшее имя Твое
выну да будет в сердцах наших.________________ Псалтирь для слабовидящих,псалом 86