186. 9 ноября. Нестору Некнижному, Печерскому, в Дальних пещерах. Псалмы

1.

186. 9 ноября.Нестору Некнижному,Печерскому,в Дальних пещерах (05.11.2002 16:31)
Чист и прав сый сердцем,и свят,преподобне Несторе,душею,прост же паки и не умея сам
чести книг,сего ради чтущим я прилежне внимал еси,оная в себе соблюдая,спешно
тщался еси исправляти,яже яко разумен исполнив,обрел еси Царствие Небесное.
185. 9 ноября.Нестору Летописцу,Печерскому,в Ближних пещерах (05.11.2002 16:24)
Великих князей русских деяния и преподобных отец Печерских жития и чудеса написавый,
свое же,Богомудре Несторе,многих ти ради добродетелей имя написано на небеси стяжавый,
моли и нам написатися в Книги Животныя.
184. 9 ноября.Нестору,мученику (05.11.2002 16:10)
Мученик Твой,Господи,Несторе,во страдании своем венец прият нетленный от Тебе,
Бога нашего:имеяй бо крепость Твою,мучителей низложи,сокруши и демонов
немощныя дерзости. Того молитвами спаси души наша.
502. 9 ноября.Обрет.мощей блгв.кн.Андрея Смоленского в Переславле (06.11.2003 12:02)
Блаженство Евангельское возлюбив,Богомудре княже Андрее,
чистоту сердца девством почтил еси и,суету мира сего
презрев,устремился еси зрети Бога,Иже тя прослави
чудесы во врачевании различне страждущих.
Сего ради молим тя: проси нам у Христа Господа
всяких скорбей избавление и получение Царства Небеснаго.
501. 9 ноября.Прп.Нестора Летописца(ок.1114г.)и Нестора Некнижного (06.11.2003 11:56)
Ублажаем вас,преподобнии отцы,и чтем святую память вашу,
наставницы монахов и собеседницы Ангелов.
765. 9 ноября. Преподобного Нестора Летописца,Печерского (03.11.2006 16:20)
Времена и лета достопамятных деяний,подвиги и труды Богоносных отец,Несторе премудре,
написуя,любовию возгорелся еси последовати стопам первоначальных,с нимиже не престай
молитися Христу Богу,спастися душам нашим.
Преподобне отче наш Несторе,моли Бога о нас.
Предложение твоего ума бе,аки лук напряжен,отче,живый бо во юдоле сей плачевней,
восхождение имел еси в сердце своем выну к Богу; и мне убо,жизнь свою ведущу
выну в печалех,Несторе,помози,моляся о мне,да возвеселится о Господе сердце мое.
Преподобне отче наш Несторе,моли Бога о нас.
Сад чистоты Рождшая,плодом сего,верующих Тя быти Матерь Божию,напитала еси обильно;
и мне убо,верно покланяющемуся Тебе,Богоневестная Дево,даждь от сего плода
поне мало вкусити,да печальное возвеселится сердце мое.
Господи,помилуй. Господи,помилуй. Господи,помилуй.
Страшных чудес несказанный образ вижду в Тебе,Пречистая Дево,яко Бога зачала еси
и Необыменнаго объяла еси утробою Твоею,но какова се бысть тайна.
Не испытую,паче же верую и со страхом ублажаю Тя,поющи:
радуйся Бога Невместимаго пространное селение.
Слава Отцу и Сыну и Святому Духу,и ныне и присно,и во веки веков,аминь.
764.
(03.11.2006 16:20)
Благословен Бог
457. 9 ноября. Мученика Нестора Солунского(ок.306г.) (06.11.2003 11:53)
Страдальчествовав добре,безсмертную славу наследовал еси ныне,яко воин изрядный
Владыки был еси,молитвами Димитрия мученика: с ним убо,Несторе мудре,
моля не престай о всех нас.
456. 8 ноября. Воспоминание великого и страшного трясения,
бывшего в Царьграде (04.11.2003 18:08)
Призираяй на землю и творяй ю трятися,избави ны страшнаго труса прещения,
Христе Боже наш,и низпосли нам богатыя милости Твоя молитвами
Богородицы,и спаси ны.
Избави труса тяжкаго всех нас,Господи,и язвы нестерпимыя грех ради наших.
Пощади,Господи,православныя люди Твоя,яже стяжал еси Твоею Кровию,Владыко;
и град не предаждь в погибель трусом страшным,иного бо разве Тебе,Бога не вемы.
И воззови поющим: Аз есмь с вами,и никтоже на вы.