506. 13 ноября. Прпп. Спиридона и Никодима, просфорников Печерских. Псалмы

1.

506. 13 ноября.Прпп.Спиридона и Никодима,просфорников Печерских
Хлебы приносныя руками своими творя,псалмопение непрестанное усты
своими яко жертву хвалы приношаше Господеви,со честным Никодимом,
блаженне Спиридоне,с нимиже молися Христу Богу о душах наших.
(11.11.2003 16:15)
463. 13 ноября.Мученика Епимаха(ок.250г.) (11.11.2003 16:02)
Многообразныя раны претерпел еси и венец прием от Христа Бога,Емуже о нас
молися,блаженне Епимаше,верно совершающих память твою,да спасет души наша.
769. 13 ноября. Апп.от 70-ти Стахия,Амплия,Урвана,Наркисса,
Апеллия и Аристовула (06.11.2006 17:41)
Божественный Аристовул,и Стахий пребогатый,и Апеллий богомудрый,и Наркисс,и Амплий,
и Урван всемудрый,ныне от нас да почтутся,яко Христовы апостоли,имиже мир
от лести многообразныя избавися.
Яко священная сокровищница Всесвятаго Духа,и Солнца Славы сияния,по долгу воспоим
мудрыя апостолы,Апеллия,Урвана же и Аристовула,Амплия,Наркисса и Стахия,
яже благодать собра Бога нашего.
419. 13 ноября.Апостолов от 70-ти Стахия,Амплия,Урвана,Наркисса,
Аристовула и Апеллия (11.11.2003 15:58)
Яко священная сокровища Всесвятаго Духа и Солнца Славы сияния,по долгу воспоим
мудрыя апостолы: Апеллия,Урвана же и Аристовула,Амплия,Наркисса и Стахия,
яже благодать собра Бога нашего.
482. 13 ноября.Сщмч.протоиерея Иоанна Царскосельского,Петроградского (11.11.2003 16:11)
Любовию к Богу распаляемь,жизнь свою мученически за Христа и ближних положил еси,
сего ради венец правды от Него приял еси,моля Всеблагаго Бога,священномучениче Иоанне,
Церковь Святую сохранити в мире и спасти души наша.
Ревностно пастырское служение свое исполняяй,ты,яко жертву благоприятную,душу свою Богу
принесл еси,моли Христа Бога,отче Иоанне,мир миру даровати и душам нашим велию милость.
193. /воскресенье/: Архангелу Варахиилу (15.11.2002 12:59)
О,великий архистратиже Божий архангеле Варахииле! Предстоя Престолу Божию и оттоле
принося благословение Божие в домы верных рабов Божиих,испроси у Господа Бога милосердия
и благословения на домы наша,да благословит Господь Бог и нас от Сиона и от горы Святыя Своея
и умножит изобилие плодов земных и подаст нам здравие и спасение и во всем благое поспешение,
на врагов победу и одоление,и сохранит нас на многие лета,да единодушно славим Бога,
Отца и Сына и Святаго Духа,ныне и присно и во веки веков.Аминь.