289. 28 апреля. Понедельник Светлой седмицы. Псалмы

1.

289. 28 апреля.Понедельник Светлой седмицы (18.04.2003 11:21)
Бог воскресил Господа,воскресит и нас силою Своею(1Кор.6,14).
288. (16.04.2003 12:16) Ангел воспевает Благодатной: Чистая Дева,радуйся. И снова поём:
Радуйся! Твой Сын воскрес тридневен от гроба,и мертвых вознёс: люди,веселитесь!
Светись,светись,Новый Иерусалим,слава Господня на Тебя воссияла. Ликуй ныне и веселись,Сион.
Ты же,Чистая,прославляйся,Богородица,в празднике Рождества Твоего!
287. 27 апреля.Светлое Христово Воскресение.Пасха (16.04.2003 12:09)
Воскресение Твое,Христе Спасе,Ангели поют на Небесех,и нас на земли сподоби
чистым сердцем Тебе славити.
Христос воскресе из мертвых,смертию смерть поправ,и сущим во гробех живот даровав.
Аще и во гроб снизшел еси,Бессмертне,но адову разрушил еси силу,и воскресл еси,яко Победитель,
Христе Боже,женам мироносицам вещавый: радуйтеся!
И Твоим апостолом мир даруяй,падшим подаяй Воскресение.
286. 26 апреля.Великая Суббота (14.04.2003 13:39)
Благообразный Иосиф,с дерева снем пречистое Тело Твое,
плащаницею чистою обвив,и вонями,во гробе нове,покрыв,положи.
Слава Отцу и Сыну и Святому Духу:
Егда снизшел еси к смерти,Животе Безсмертный,тогда ад умертвил еси блистанием Божества.
Егда же и умершия от преисподних воскресил еси,вся силы Небесныя взываху:
Жизнодавче Христе Боже наш,слава Тебе.
И ныне и присно,и во веки веков,аминь:
Мироносицам женам,при гробе представ,Ангел вопияше:
мира мертвым суть прилична,Христос же истления явися чуждь.
285. 25 апреля.Великая Пятница.Воспоминание святых спасительных
Страстей Господних (10.04.2003 15:14)
Распеншуся Тебе,Христе,погибе мучительство,попрана бысть сила вражия:
ниже бо Ангел,ниже человек,но Сам,Господи,спасл еси нас,слава Тебе.
Господи,осудиша Тя иудее на смерть,Жизнь всех;иже Чермное море жезлом прошедшии
на Крест Тя пригвоздиша,и иже от камене мед ссавшии желчь Тебе принесоша.
Но волею претерпел еси,да свободиши от работы вражия,Христе Боже,слава Тебе.
Спасение соделал еси посреде земли,Христе Боже;на Кресте пречистеи руце Твои простерл еси,
собирая вся языки,зовущия: Господи,слава Тебе.
Видя разбойник Начальника жизни на Кресте висяща,глаголаше: аще не бы Бог был воплощся с нами
Распныйся,не бы солнце лучи сокрыло,ниже бы земля,трепещущи,тряслася.
Но вся Терпяй,помяни мя,Господи,в Царствии Твоем.
284. 24 апреля.Великий Четверг (08.04.2003 12:13)
Егда славнии ученицы на умовении вечери просвещахуся,тогда Иуда злочестивый,сребролюбием
недуговав,омрачишеся,и беззаконным судиям Тебе,Праведнаго Судию,предает. Виждь,имений
рачителю,сих ради удавление употребивша! Бежи несытыя души,Учителю таковая дерзнувшия;Иже о
всех Благий,Господи,слава Тебе. Хлеб прием в руце предатель,сокровенно тыя простирает и приемлет
цену Создавшаго Своима рукама человека,и неисправлен пребысть Иуда,раб и льстец. Странствия
Владычня и безсмертныя трапезы на горнем месте высокими умы,вернии, приидите,насладимся,
возшедша Слова от слова научившеся,Егоже величаем.Видехом Свет истинный, прияхом Духа
небеснаго,обретохом веру истинную,нераздельней Троице покланяемся:Та бо нас спасла есть.
283. 23 апреля.Великая Среда (08.04.2003 11:49)
Паче блудницы,Блаже,беззаконновав,слез тучи никакоже Тебе принесох: но молчанием моляся,
припадаю Ти,любовию облобызая пречистеи Твои нозе,яко да оставление мне,яко Владыка,
подаси долгов,зовущу Ти,Спасе: от скверных дел моих избави мя.
280. 21 апреля.Страстная седмица.Великий Понедельник (06.04.2003 16:10)
Се Жених грядет в полунощи,и блажен раб, егоже обрящет бдяща; недостоин же паки,
егоже обрящет унывающа. Блюди убо,душе моя,не сном отяготися,да не смерти предана будеши,
и Царствия вне затворишися,но воспряни,зовущи: Свят,Свят,Свят еси,Боже,Богородицей помилуй нас.
282. 22 апреля. Великий Вторник (08.04.2003 11:43)
Час,душе,конца помысливши,и посечение смоковницы убоявшися,данный тебе талант
трудолюбно делай,окаянная,бодрствующи и зовущи: да не пребудем вне чертого Христова.