517. 3 января. Блгв. кн. Иулиании Вяземской,Новоторжской (1406г.). Псалмы

1.

517. 3 янв.Блгв.кн.Иулиании Вяземской,Новоторжской(1406г.) (24.12.2003 12:26)
Благочестно в законе поживши и благими делы украсившися,яко крепкий адамант,явися,
целомудренная святая благоверная княгине Иулиание,тленную славу и добротство телесное
презревши,злокозненнаго врага победила еси,целомудрия ради мученическую смерть прияла еси.
Сего ради от Христа Бога нетленным и вечным венцем венчавшися,ныне с лики мученик ликуеши
и нам велия чудеса,приходящим ко гробу твоему обильно источаеши.Темже ти вопием:
молися Христу Богу о всех нас,верою и любовию страдания твоя почитающих.
516. 3 янв.Преставление свт.Петра,митр.Московского и всея России (24.12.2003 12:12)
Яже прежде безплодная,земле,ныне веселися: се бо Христос светильника в тебе показа,
яве сияюща в мире и исцелевающа недуги и болезни наша. Сего ради ликуй и веселися
со дерзновением: святитель бо есть Вышняго,сия соделовляй.
Взбранному и дивному нашея земли чудотворцу,днесь любовию к тебе притекаем,
песнь,богоносе,плетуще,яко имея дерзновение ко Господу,многообразных
избави нас обстояний,да зовем ти: радуйся,утверждение граду нашему.
773. 3 января. Святителя Московского Петра,всея России чудотворца (28.12.2006 14:14)
Спасительным Христовым заповедем последовал еси,премудре святителю Петре,
вдов и сирот был еси предстатель и земли Российския великое защищение.
Святителю отче наш Петре,моли Бога о нас.
213. 3 января.Святителю Петру,митрополиту Московскому (21.12.2002 11:56)
Взбранному и дивному нашея земли чудотворцу,днесь любовию к тебе притекаем,
песнь богоносне плетуще,яко имея дерзновение ко Господу,многообразных избави нас
обстояний,да зовем ти:радуйся,утверждение граду нашему.
797. 3 января. Блаженного Прокопия,Христа ради юродивого,Вятского
(28.12.2006 14:31)
Ублажаем тя,святый праведный Прокопие,и чтим святую память твою:
ты бо молиши за нас Христа Бога нашего.
550. 3 янв.Преставление блж.Прокопия,Христа ради юродивого,Вятского (24.12.2003 12:36)
Иже на земли Христа ради волею в буйство преложися,и мира сего красоты отнюд возненавиде,
и плотская играния увядив постом и жаждою и на земли леганием,от зимы студению и мразом,
и от зноя солнечнаго и дождя и прочия тяготы никогда же уклонися под кров,и на теле своем
не имея одеяния,Божиею помощию покрываемь,и душу очистил еси добродетельми своими,
яко злато в горниле,Прокопие премудре,с верою творящим память твою честно и усердно
притекающим к мощем твоим,прославляюще твое святое успение,Христу Богу молися,
благоюроде,да избавит ны Господь от варварскаго нашествия и междоусобныя брани
и мир мирови дарует и душам нашим велию милость.
497. 4 янв.Вмц.Анастасии Узорешительницы(ок.304г.) (25.12.2003 12:22)
Победоноснаго Воскресения истинноименитая наречена еси,мученице Христова,победы на враги
поставила еси мук терпением,Христа ради,Жениха твоего,Егоже возлюбила еси.
Того моли спасти души наша.
496. 3 янв.Мц.Иулиании и с нею 500 мужей и 130 жен,в Никомидии (24.12.2003 12:02)
Девства добротами преочищена,девице,и мучения венцы,Иулиание,ныне венчавшися,
даеши сущим в нуждах и недузех исцеление и спасение приступающим к раце твоей:
Божественную бо благодать Христос источает и жизнь вечную.
495. 3 янв.Суббота пред Рождеством Христовым (24.12.2003 11:57)
Мудрость,Слово и Сила,Сын сый Отчий и Сияние,Христос Бог,сил утаився,елико премирных,
и елико на земли,и вочеловечься обновил есть нас,яко прославися.
Бог сый мира,Отец щедрот,Великаго Совета Твоего Ангела,мир подавающа послал еси нам:
тем Богоразумия к свету наставльшеся,от нощи утренююще,славословим Тя,Человеколюбче.
Се Дева,якоже древле рече,во чреве приемши родила есть Бога вочеловечшася,и пребывает Дева.
Еяже ради примирившеся Богу грешнии,Богородицу сущую воистинну вернии воспоим.
Радуйся,Обрадованная Невесто Царя Великаго,яко Тобою от клятвы Евины вси,Чистая,избавихомся,
и жизнь обретохом,в Рождестве Твоем,Неневестная.