Иверскому образу Богоматери

1.

------------------------ ИВЕРСКОМУ ОБРАЗУ БОГОМАТЕРИ ---------------------От святыя иконы Твоея,о,Влыдычице Богородице,исцеления и цельбы подаются обильно
с верою и любовию приходящим к ней: тако и мою немощь посети,и душу мою
помилуй,Благая,и тело исцели благодатию Твоею,Пречистая.
Аще и в море ввержена бысть святая икона Твоя,Богородице,от вдовицы не могущия
спасти сию от врагов,но явилася есть хранительница Афона и вратарница
обители Иверския,враги устрашающая и в православней Российстей
стране чтущия Тя от всех бед и напастей избавляющая.
49. 25 февраля.День празднования ИВЕРСКОЙ иконы Пресвятой Богородице (21.02.2002 13:37)
О,Пресвятая Госпоже Владычице Богородице,приими недостойную молитву нашу и сохрани нас
от навета злых человек и от напрасныя смерти,и даруй нам прежде конца покаяние; на моление наше
умилосердися,и радость вместо печали даруй. И избави нас,Госпоже,от всякия беды и напасти,скорби
и печали и от всякаго зла.И сподоби нас,грешных рабов Твоих,одесную стати во Втором пришествии
Сына Твоего,Христа Бога нашего,и наследники нас быти сподоби Царствия Небеснаго и жизни вечныя
со всеми святыми в бесконечныя веки веков.Аминь.
564. 25 февр. ИВЕРСКОЙ иконы Божией Матери(IXв.) (11.02.2004 15:52)
Покры небеса добродетель Твоя,Богомати,и хвалы Твоея исполнися земля,
но положи любовь державную крепости Твоея и на мне,отчаянном.
563. 25 февр.Свт.Мелетия,архиеп.Харьковского(1840г.) (11.02.2004 15:46)
Мира сего временная,яко преходящая уразумел еси,от юности постническое и многотрудное житие
возлюбил еси,всеблаженне,иерархов славо и преподобных похвало,Предвечнаго Слова усердный
благовестниче,сирых и неимущих крове и прибежище.Темже в молитвах пребывая,Христу
утреневати прилежал еси и,сего взыскуя,венец неувядаемый со всеми святыми стяжал еси,
отче наш,святителю Мелетие,моли Христа Бога спастися душам нашим.
562. 25 февр. Свт.Мелетия,архиеп.Антиохийского(381г.) (10.02.2004 12:58)
Духовнаго твоего дерзновения убоявся,отступник бегает Македоний,молитвенное же служение
совершающе твои раби,любовию притекаем,Ангелом собеседниче Мелетие,огненный мечу
Христа Бога нашего,вся безбожныя закалаяй: воспеваем тя,светильника,просветившаго вся.
197. 25 февраля.ИВЕРСКОЙ иконы Божией Матери(IXв.) (18.02.2003 11:32)
Благодать дати восхотевши почитающим Тя с любовию,Богородительнице,присущую Ти силу
благодатную оставила еси во святых Твоих иконах,ибо Божественная благодать,спребывающи
тем иконам,знамения и чудеса выну содевает и душевных и телесных недуг исцеление всем
с верою приходящим подает Твоими Богоматерними непрестанными к Богу молитвами
о вопиющих Ему: Слава Тебе,Боже наш.
592. 25 февр. ИВЕРСКОЙ иконы Божией Матери(IXв.) (11.02.2004 15:50)
Неплодствующий мой ум плодоносен покажи,Благая Дево,от неплодове рождшаяся,
Ты бо плодоносие всех благ явлением иконы Твоея подаеши.
632. 25 февраля. Иверской иконы Божией Матери (29.01.2006 12:45)
Храм носяй телесный весь осквернен,Тебе,пречистому храму вечнаго Слова,
дерзаю в честнем храме Твоем,пред Твоею святою иконою приносити смиренныя моя молитвы.
Ты же,яко Милостивая,очисти мя Твоим благоутробием.
Во имя Отца и Сына и Святого Духа.Аминь
523. 25 февр. ИВЕРСКОЙ иконы Божией Матери(IXв.) (11.02.2004 15:59)
Не отрини мене до конца от лица Твоего,Мати незаходимаго Света,не попусти мне погрязнути
в пучине беззаконий,но возведи мене от блата страстей,да взыдет из нетления живот мой
и пожру Тебе со гласом хваления и исповедания.
198. 25 февраля.Свт.Алексия,митр.Московского и всея Руси,чудотворца (18.02.2003 11:39)
Божественнаго и пречестнаго святителя Христова,новаго чудотворца Алексия,верно вси поюще,людие,
любовию да ублажим,яко пастыря великаго,служителя же и учителя премудра земли Российстей.
Днесь,в память его притекше,радостно возопием песнь богоносному: яко имея дерзновение к Богу,
многообразных нас избави обстояний,да зовем ти: радуйся,утверждение граду нашему.
219. 25 февраля.Тропарь Божией Матери ради иконы Ее ИВЕРСКАЯ (18.02.2003 11:39)
От святыя иконы Твоея,о Владычице Богородице,исцеления и цельбы подаются обильно с верою
и любовию приходящим к ней.Тако и мою немощь посети и душу мою помилуй,Благая,
и тело исцели благодатию Твоею,Пречистая.
665. 25 февраля. Вселенская родительская(мясопустная)суббота
(29.01.2006 12:41)
Глубиною мудрости человеколюбно вся строяй и полезная всем подаваяй,Едине Содетелю,
упокой,Господи,души раб Твоих,на Тя бо упование возложиша,Творца и Зиждителя
и Бога Спасителя нашего.
Со святыми упокой,Христе,души раб Твоих,идеже несть болезнь,ни печаль,ни воздыхание,
но жизнь безконечная.