599. 2 января. Молитва пред иконой Божией Матери. Псалмы

1.

599. 2 января. Молитва пред иконой Божией Матери"Спасительница ут
(25.12.2005 16:47)
0
Заступнице усердная,Мати Господа Вышняго!
Ты еси всем христианом Помощь и Заступление,
паче в бедах сущим. Призри ныне с высоты святыя Твоея
и на ны,с верою покланяющияся пречистому образ Твоему,
и яви,молим Тя,скорую помощь Твою по морю плавающим
и от ветров бурных тяжкия скорби терпящим.
Подвигни и вся православныя христианы на спасение
в водах утопающих и воздаждь подвизающимся о сем
богатыя милости и щедроты Твоя. Се бо,на образ Твой
взирающе,Тебе,яко милостивно сущей с нами,приносим
смиренная моления наша. Не имамы бо ни иныя помощи,
ни инаго предстательства,ни утешения,токмо Тебе,
о Мати всех скорбящих и напутствуемых.
Ты по Бозе наша Надежда и Заступница,и на Тя уповающе,
сами себе,и друг друга,и весь живот наш Тебе
предаем во веки веков. Аминь.
451. 2 янв.Новодворской и Леньковской(Новгород-Северской),именуем
(25.12.2003 12:17)
0
Пресвятая Матерь Божия,спаси и сохрани нас.
450. 2 янв.Предпразднство Рождества Христова
(22.12.2003 14:17)
0
Готовися,Вифлееме,отверзися всем,Едеме,красуйся,Евфрафо,
яко Древо Живота в вертепе процвете от Девы:
рай бо Оноя чрево явися мысленный,в немже
Божественный сад,от негоже ядше,живи будем,
не якоже Адам умрем: Христос раждается
прежде падший возставити образ.
Дева днесь Превечное Слово в вертепе грядет
родити неизреченно: ликуй,вселенная,услышавши,
прослави со Ангелы и пастырьми хотящаго явитися
Отроча младо,Превечнаго Бога.
579. 2 января. Священномученику Игнатию Богоносцу(107)
(25.12.2005 16:18)
0
Светлых подвиг твоих светоносный день предпроповедует всем
в вертепе Рожденнаго: Сего бо жаждая от любве насладитися,
потщался еси от зверей снеден быти: сего ради
и Богоносец нареклся еси,Игнатие всемудре.
Император Траян вопросил Игнатия:
- А кто такой богоносец?
Игнатий ответил:
- Имеющий Христа на груди.
Траян сказал:
- Стало быть,ты в себе носишь Христа?
Игнатий сказал:
- Да,так как написано:"Вселюсь в них и буду ходить".
Траян тогда провозгласил:
- Мы приказываем вести Игнатия,говорящего,что он носит
в себе распятого,в оковах под стражей в великий Рим
на снедение зверям для зрелища и услаждения народа.
549. 2 янв.Прп.Игнатия,архим.Печерского(1435г.)
0
Чистаго ради и непорочнаго твоего жития,
Богоносе отче Игнатие,приемый от Господа
чудотворныя дары исцеляти немощныя,
исцели,молим тя,и немощи наша,
моля о нас Единаго Человеколюбца.
(22.12.2003 14:32)

2.

777. 2 января. Праведного Иоанна Кронштадтского(1908)
(24.12.2006 15:41)
0
Спасти хотя души ближних своих,
ересьми и маловерием обуреваемыя,противу
козней диавольских воздержанием и смирением
вооружился еси,отче Иоанне,апостольское и святоотеческое
веры исповедание твердо сохранив. Жертвенною же любовию
Христу сраспинаяся,душу твою за спасение народа Божия
положив,Царствия Небеснаго достигл еси,идеже со ангелы
и лики святых непрестанно Бога славословя,поминай нас,
славную память твою празднующих и поющих Богу:
Слава Тебе,Боже наш.
Святый праведный отче наш Иоанне,моли Бога о нас.
187. 2 января.Иоанна Кронштадского,праведного
(21.12.2002 11:38)
0
Православныя веры поборниче,земли Российския печальниче,
пастырем правило и образе верным,покаяния и жизни во Христе
проповедниче,Божественных таин благоговейный служителю
и дерзновенный о людех молитвенниче,отче праведный Иоанне,
целителю и предивный чудотворче,граду Кронштадту похвало
и Церкве нашея украшение,моли Всеблагаго Бога
умирити мир и спасти души наша.
548. 2 янв.Прав.Иоанна,пресвитера Кронштадтского,чдтв.,1908г.
(22.12.2003 14:29)
0
Православныя веры поборниче,земли Российския печальниче,
пастырем правило и образе верным,покаяния и жизни во Христе
проповедниче,Божественных таин благоговейный служителю
и дерзновенный о людех молитвенниче,отче праведный Иоанне,
целителю и предивный чудотворче,граду Кронштадту похвало
и Церкви нашея украшение,моли Всеблагаго Бога
умирити мир и спасти души наша.
Днесь пастырь кронштадтский предстоит Престолу Божию
и усердно молит о верных Христа Пастыреначальника,
обетование давшаго:"Созижду Церковь Мою,
и врата адова не одолеют ей".
598. 1 января. Святому мученику Вонифатию(290)
(23.12.2005 14:18)
0
О,многострадальный и всехвальный мучениче Вонифатие!
Ко твоему заступлению ныне прибегаем,молений нас,
поющих тебе,не отвержи,но милостивно услыши нас.
Виждь братию и сестры наша,тяжким недугом пианства одержимы,
виждь того ради от матери своея,Церкве Христовой,от вечнаго
спасения отпадающая. О,святый мучениче Вонифатие,коснися
сердцу их данною ти от Бога благодатию,скоро возстави
от падений греховных и ко спасительному воздержанию приведи их.

3.

494. 2 янв.Игнатия Богоносца(107г.)
(22.12.2003 14:21)
0
Светлых подвиг твоих светоносный день
предпроповедует всем в вертепе Рожденнаго:
Сего бо жаждая от любве насладитися,потщался еси
от зверей снеден быти: сего ради и Богоносец нареклся еси,
Игнатие всемудре.
772. 2 января. Священномученика Игнатия Богоносца(107)
(24.12.2006 15:31)
0
Апостольских нравов подражателю и престола их снаследниче,
архиереев удобрение и мучеников славо,Богодухновенне,
на огнь и меч,и звери дерзнул еси веры ради
и,слово истины исправляя,до крове пострадал еси,
священномучениче Игнатие,моли Христа Бога
спастися душам нашим.
515. 2 янв.Свт.Даниила,архиеп.Сербского(1338г.)
(22.12.2003 14:37)
0
Чудо явися извещения,делами добродетелей Божиих
возсиял еси,монашествующих лики упасл еси,
архиерейская седалища утвердил еси,еретическаго нападения
не усумневся,Церковию Христовою управляя,преподобне отче,
Данииле премудре,умер,яко спя,тело же твое цело
и нетленно соблюдено бысть,и подает цельбы
от различных недугов,и демоны прогоняет.
Сего ради молим тя: моли спастися душам нашим.
848. 2 января. Леньковской(Новгород-Северской),именуемой"Спасител
0
Архангельский глас вопием Ти,Чистая Приснодево:
Радуйся,Благодатная,яко родила еси Спасителя миру,
Христа Человеколюбца.
Величаем Тя,Пресвятая Дево,Богоизбранная Отроковице,
и чтим образ Твой святый,имже точиши исцеления
всем,с верою притекающим.
847. 2 января. Новодворской иконы Божией Матери
(24.12.2006 15:48)
0
Несть исчислити возможно величия Твоя,Богородице,
ниже изрещи неисследимую паче ума глубину чудес Твоих,
совершаемых присно,любовию Тя чтущим и верою покланяющимся,
яко воистинну Бога рождшей.
Величаем Тя,Пресвятая Дево,
Богоизбранная Отроковице,и чтим
образ Твой святый,имже точиши исцеления
всем,с верою притекающим.
(24.12.2006 15:54)

4.

846. 2 января. Предпразднство Рождества Христова
(24.12.2006 15:24)
0
От корене Иессеева и от чресл Давидовых,
Богоотроковица Мариам раждается днесь нам:
радостию бо радуются всяческая и обновляются.
Срадуйтеся купно,небо и земля,восхвалите Ю
отечествия языков. Иоаким веселится и Анна
торжествует зовущи: неплоды раждает Богоотроковицу
и Питательницу Жизни нашея.
Император Траян вопросил Игнатия:
- А кто такой богоносец?
Игнатий ответил:
- Имеющий Христа на груди.
Траян сказал:
- Стало быть,ты в себе носишь Христа?
Игнатий сказал:
- Да,так как написано:"Вселюсь в них и буду ходить".
Траян тогда провозгласил:
- Мы приказываем вести Игнатия,говорящего,что он носит
в себе распятого,в оковах под стражей в великий Рим
на снедение зверям для зрелища и услаждения народа.
578. 2 января. Праведному Иоанну,пресвитеру Кронштадтскому,чудотв
0
Лествицею добродетелей шествуя,
делатель неленостный вертограда Господня явился еси,
Отче Иоанне,от утра жизни даже до последняго часа
добре потрудился еси. Тако и нас молитвенно
укрепи Господеви работати.
Ревностно о славе Божией распаляемь,
поучал еси паству твою всячески хранити сердце свое
от страстей,душу растлевающих и от Бога разлучающих.
Моли и нас,отче святый Иоанне,да управим житие наше
к славе имене Божия и спасению.
Иоанну Крестителю подражая,покаяния проповедниче,
отче Иоанне праведне,образ воздержания,целомудрия
и девственника чистоту явил еси.
Облагодати нас,Мати Божия,еже к богоугождению
житие наше управити,да Твоею помощию и молитвами
праведнаго Иоанна живот вечный наследуем.
Небеснаго Царствия взыскуя,усердный делатель благих
на земли явился еси,молитвою веры недуги исцеляя
и заблуждшия к покаянию призывая,святе.
Ложная мудрования сынов века сего,возстающих
противу истины святыя Церкви Христовы,отвергл еси,
святе Иоанне,словом и житием Православие утверждал еси,поя:
слава силе Твоей,Господи.
Разум богопросвещенный стяжал еси,Иоанне премудре,
о Святей Троице богословствуя,рекл еси: высота истины сея
животворна душе,в простоте сердца верующей.
(23.12.2005 14:59)

5.

Имя Христово присно в сердце нося,
святому Богоносцу Игнатию подражая,
в себе самом всякое приражение греха
истребил еси,поя: слава силе Твоей,Господи.
Очищение наше и избавление есть Христос Спаситель,
Емуже ты,пастырю пречудный,о нашем духовном возрождении,
чрез покаяние и исправление,помолися.
Предвидя,яко многия беды и соблазны грядут на Церковь Русскую,
и чада Божия в смятении будут,яко пастырь добрый
душу свою за паству готовый положити,глаголал еси людем:
убойтеся соблазнов,стойте в вере православной,мужайтеся
и славите Господа,взывающе Ему: Слава Тебе,Боже наш.
Стена твердая бысть любовь твоя ко Господу,
в нейже утвердися сердце твое,богоносне отче Иоанне.
Сего ради всем притекающим к тебе с верою
прибежище и утверждение явился еси,
да всяческая Христу приобрящеши.
Темже и нас,к тебе припадающим,буди стена крепка
и ограждение непреодолимое,да не посмеются хотящии нам злая,
во еже в мире и любве Христове пребывати
и приносити сия похвалы:
Радуйся,светильниче неугасимый,огнем Духа Святаго возжженный;
радуйся,крине,присно благоухаяй,росою благодати Божия напоенный.
Радуйся,росо сладкоплодная,благодатными дары верных
оживотворяющая; радуйся,соле земли,от греховнаго
тления нас сохраняющая.
Радуйся,в мори житейстем обуреваемым тихое пристанище;
радуйся,яко душевне и телесне изнемогающим о помощи
Божией умоляеши.
Радуйся,сердцеведче предивне,верныя от лжемудрствования
ограждаяй; радуйся,силою молитвы чистыя союз супружеския
верности укрепляяй.
Радуйся,Иоанне,земли Российския молитвенниче предивный.