Baxıtlı Sarıbaev (7)

1.

Jas shayır, Ózbekstan hám Qaraqalpaqstan
Jazıwshılar awqamı aǵzası Baxıtlı Sarıbaev penen
oqıwshı jaslar arasında
"Shayırlıqta tanılǵan talant" atamasında ushırasıw
keshesi

2.

Sarıbaev Baxıtlı Abdıllaevich 1989-jılı Shımbay rayonında tuwılǵan. Ol
2009-jılı Berdaq atındaǵı Qaraqalpaq mámleketlik universitetiniń qaraqalpaq
filologiyası fakultetine oqıwǵa qabıl etilip, 2013-jılı tamamlap bakalavr
dárejesin alǵan bolsa,2013-2015-jılları usı oqıw dárgayınıń magistratura
bólimi Ádebiyattanıw qánigeliginde bilim aladı.
Poeziyalıq dóretpeleri hám maqalaları respublikamızdıń belgili basılımları
bolǵan “Ámiwdarya” jurnalında, “Erkin Qaraqalpaqstan”, “Ustaz jolı”,
“Qaraqalpaqstan jasları”, “Qaraqalpaq ádebiyatı”, “Qaraqalpaqstan mádeniyatı”
gazetalarında jarıq kórip kelmekte.
Baxıtlı Sarıbaev Ózbekstan hám Qaraqalpaqstan Jazıwshılar awqamı aǵzası.
Búgingi kúnde “Tuwısqan”, “Shańaraq”, “Shımbay soqpaqları”, “Meniń anam”
sıyaqlı bir qatar kitaplardıń avtorı.

3.

Baxıtlı Sarıbaev - jańa ásir jırshısı.Onıń qosıqları kúndelikli
baspasózde tez-tez járiyalanıp turadı.
Qaysı bir shayır bolmasın, óziniń dáslepki qosıqların
Watanǵa, tuwǵan jerge baǵıshlaydı.
Biraq, hár kim hár qıylı táriyp beredi.Jas talant iyesiniń
Watan hám tuwǵan jer haqqındaǵı qosıqları basqalarǵa
usamaydı, ózgeshe pikir, ózgeshe hawaz bar onda!
Sonday-aq, onıń turmıstaǵı hár qıylı qubılıslarǵa arnalǵan
qosıqları da kewilge qonımlı.
Oylaymız, Baxıtlı Sarıbaev siziń súyikli shayırıńız bolıp
qaladı.

4.

Shayırdıń tórtinshi poeziyalıq toplamı bolǵan “Meniń anam” atlı
kitabında túrli mazmundaǵı hám hár qıylı tematikaǵa qurılǵan qosıqları
orın alǵan.Atap aytqanda, ádebiyatta eskirmeytuǵın temalar bolǵan AnaWatan, ata-ana,tuwısqanlıq, doslıq,mehir-muhabbat,ómir haqqındaǵı
avtordıń kewil keshirmeleri, filosofiyalıq oy-pikirleri oqıwshı júreginen
orın alıwına isenemiz. Kitaptaǵı “Meniń anam”, “Anańızdı jaqsı
kóremen” sıyaqlı qosıqları orın alǵan.