Міхась Пазнякоў

1. Міхась Пазнякоў

2. Дакументальны фільм «Слова паэта»

3. Міхаіл Паўлавіч Пазнякоў

нарадзіўся 24 студзеня 1951 г. у вёсцы Заброддзе, Быхаўскі раён, Магілёўская вобласць
беларускі паэт, празаік, перакладчык, крытык, мовазнавец.

4. Біяграфія

У 1977 скончыў філалагічны факультэт БДУ. Яшчэ ў студэнцкія гады працаваў рабочым на
Мінскім заводзе шасцерняў, пазней настаўнічаў у Бярэзінскім раёне і ў Мінску. У 1978 годзе
залічаны на працу ў Інстытут мовазнаўства, дзе браў удзел у распрацоўцы 2-томных «Русскобелорусского словаря» і «Беларуска-рускага слоўніка», распрацаваў і выдаў вялікі «Слоўнік
эпітэтаў беларускай літаратурнай мовы» (1988).
З 1981 года дырэктар Літаратурнага музея М. Багдановіча. У 1984—2000 гадах працаваў у
дзяржаўным выдавецтве «Юнацтва». Потым два гады ўзначальваў часопіс «Вожык». З 2003
года ў часопісе «Нёман», да мая 2008 — намеснік галоўнага рэдактара, у 2008—2009 —
галоўны рэдактар. Адначасова быў намеснікам дырэктара Рэдакцыйна-выдавецкай установы
«Літаратура і мастацтва». З 2009 года — сакратар Праўлення Саюза пісьменнікаў Беларусі,
старшыня яго Мінскага гарадскога аддзялення.

5. Творчы шлях

Першая кніжка Міхася Пазнякова была адрасавана дзецям «Дзіўныя „блізняты“» (1987),
якую склалі загадкі на беларуска-рускія амонімы. Затым з’явіліся «Побач з татам» (1988),
«Тры чарадзеі» (1991), «Ехаў поўны воз дзівос» (1994), «Шые вожык кажушок», «Дзівосны
свет» (1996) і інш.
Выйшлі кніжкі вершаў для дарослых: «Колер радасці» (1988), «Час надзеі» (1991), «Крутит
время свои жернова» (2004), «Любі і помні» (2006), «Святое правіла…» (2008).
Пераклаў на беларускую мову кніжкі «Дапаможаш ты — табе дапамогуць» (афганскія
народныя казкі), «Залатая ракавінка» (кітайскія народныя казкі), «Дванаццаць месяцаў» С.
Маршака, «У заапарку» М. Гелера, раманы С. Лагерлёфа «Пярсцёнак Лёвеншольдаў», В.
Скота «Квенцін Дорвард», М. Сервантэса «Дон Кіхот», некаторыя творы В. Біянкі, Я.
Пермяка, Л. Махмудава, X. К. Андэрсена, братоў Грым і іншых.

6.

7. Узнагароды

літаратурная прэмія імя Петруся Броўкі ў галіне дзіцячай літаратуры (1996),
тры рэспубліканскія літаратурныя прэміі «Лепшая кніга года»,
прэмія Федэрацыі прафсаюзаў Беларусі,
прэмія міністра абароны Рэспублікі Беларусь у галіне літаратуры,
медаль Францыска Скарыны (2011),
Нацыянальная літаратурная прэмія ў намінацыі «Найлепшы твор дзіцячай літаратуры»
(2016).

8.

9. Выканала:

Вучаніца 11 класа
Вольнаўскай сярэдняй школы
Кохан Паліна