10 мая. Апостола и священномученика Симеона, сродника Господня

1.

653. 10 мая. Апостола и священномученика Симеона,сродника Господня (02.05.2006 15:13)
Священник священнейший,страдалец законен,сродник Зиждителя истинный,чудотворец досточуден,
светильник пресветел,заблуждших вождь,Симеоне,показался еси...
В мире радуешися,Симеоне Иерусалимский,любезно Христу Богу,тело душевное чисто сохранив,
претерпевый страсть телесную,долготерпеливе,крепко,и в конец на кресте распят бысть.
Ты бо,Истинному Рачителю подобяся,и от мира скоро отлучися,
лютыя язвы на себе понесе и молишися о душах наших.
652. 9 мая. Свт.Стефана,еп.Великопермского(1396) (02.05.2006 14:51)
Идеже прелесть почитаема бяше,тамо же ныне тобою Бог неведущим,святителю Стефане,познася.
Темже священную твою память достодолжно ублажаем.
Святителю отче наш Стефане,моли Бога о нас.
Яко истинный святитель тих и кроток,отче,был еси и столп благочестия Церкве явился еси,люди твоя
благочестию научив вопити Христу: слава силе Твоей,Господи.
Слава Отцу и Сыну и Святому Духу,и ныне и присно,и во веки веков,аминь.
Ралом словес твоих оляденевшая людей сердца возделал еси,Божественное семя в них всеяв,
плод красный Христу,святителю,привел еси. Святителю отче наш Стефане,моли Бога о нас.
274. 10 мая.ВИЗАНТИЙСКОЙ иконы Божией Матери(732г.) (10.05.2003 13:01)
От святыя иконы Твоя,о Владычице Богородице,исцеления и цельбы подаются обильно с верою
и любовию приходящим к ней; тако и мою немощь посети,и душу мою помилуй,Благая,
и тело исцели благодатию Твоею,Пречистая.
273. 9 мая.Сщмч.Василия,еп.Амасийского(ок.322г.) (06.05.2003 13:49)
Царево повеление преобидев,Царство Небесное получил еси,Василие,
в немже ликуя,поминай нас, чтущих память твою,священномучениче.
506. 8 мая. Апостола и евангелиста Марка(63г.) (27.04.2004 11:55)
У верховнаго Петра научився,апостол Христов был еси,и яко солнце странам возсиял еси,
Александриом удобрение быв,блаженне.Тобою Египет от прелести свободися,евангельским твоим
учением просвещ вся,яко свет,столп церковный. Сего ради твою память чтуще,светло празднуем.
Марко,богогласе: моли тобою благовестимаго Бога,да согрешений оставление подаст душам нашим.
С высоты приим благодать Духа,риторская плетения разрушил еси,апостоле,и языки вся уловив,
Марко всеславне,твоему Владыце привел еси,Божественное проповедав Евангелие.
Величаем тя,апостоле Христов и евангелисте Марко,и чтим болезни и труды твоя,
имиже трудился еси во благовестии Христове.
651. 8 мая. Апостола и евангелиста Марка(63г.) (28.04.2006 14:30)
Излияся благодать во устнах твоих,Марко апостоле,и был еси пастырь Христовы Церкве,
уча словесныя овцы веровати в Троицу Единосущную,во Едином Божестве.
Апостоле святый и евангелисте Марко,моли Милостиваго Бога,
да прегрешений оставление подаст душам нашим.
У верховнаго Петра научився,апостол Христов был еси,и,яко солнце,странам возсиял еси,
Александриом удобрение быв,блаженне: тобою Египет от прелести свободися,евангельским твоим
учением просвещ вся,яко свет,столп церковный. Сего ради твою память чтуще,светло празднуем,
Марко богогласе,моли тобою благовестимаго Бога,да согрешений оставление подаст душам нашим.
С высоты приим благодать Духа,риторская плетения разрушил еси,апостоле,и,языки вся уловив,
Марко всеславне,твоему Владыце привел еси,Божественное проповедав Евангелие.
Величаем тя,апостоле Христов и евангелисте Марко,и чтим болезни и труды твоя,
имиже трудился еси во благовестии Христове.