Преставление (1833 г.),второе обретение мощей (1991 г.)

1.

558. 15 янв.Преставление(1833г.),второе обретение мощей(1991г.)
(30.12.2003 12:48)
Ублажаем тя,преподобне отче Серафиме,и чтим святую память твою,
наставниче монахов и собеседниче Ангелов.
557. 15 янв. Прав.Иулиании Лазаревской,Муромской(1604г.) (30.12.2003 12:45)
Просветившися Божественною благодатию,и по смерти светлость жития твоего
явила еси: источаеши бо миро благовонное всем болящим на исцеление,
с верою приходящим к мощем твоим,праведная мати Иулиание,
Христа Бога моли спастися душам нашим.
525. 15 янв. Свт.Сильвестра,папы Римского(335г.) (30.12.2003 12:40)
Во священницех священник явился еси Царя и Бога,Богоносе,
постником собеседник быв,отонудуже срадуешися ныне
ликом Ангельским,отче,веселяся в небесных,Сильвестре,
славне пастырю,спасай любовию совершающия память твою.
458. 15 янв. Предпразднство Просвещения (30.12.2003 12:36)
Адама истлевшаго обновляет струями Иорданскими,и змиев главы гнездящихся
сокрушает Царь веков Господь,яко прославися.
Велиим гласом в пустыни вопиет Предтече: Христу уготовайте пути,
и стези Богу нашему правы соделайте,верою взывающе: несть Свят,якоже Бог наш.
175. 15 января.Предпразднство Богоявления (30.12.2002 12:05)
Готовися,Завулоне,и красуйся,Неффалиме,Иордане реко,стани,подыми,взыграя,
креститися грядуща Владыку;веселися,Адаме,с праматерию,не крыйта себе,
якоже в раи прежде,ибо,наги видев вы,явися,да облечет в первую одежду:
Христе явися,всю тварь хотя обновити.
Во струях днесь Иорданских быв,Господь Иоанну вопиет:
не убойся крестити Мя,спасти бо приидох Адама первозданнаго.