Обретение мощей блж. Максима,Христа ради юродивого

1.

378. 26 августа.Обретение мощей блж.Максима,Христа ради юродивого
(19.08.2003 17:51)
Терпением своим велию мзду на Небесех стяжал еси,в буйство волею Христа
ради преложися и на Небо мысленное,яко на колеснице огненней,восшел еси,
премудре Максиме. Днесь мы ныне чтим честных мощей твоих обретение
вкупе с благочестивыми и верными людьми царствующаго града Москвы,
да вси вопием ти: моли Христа Бога спастися душам нашим.
409. 26 августа.Преставление(1783г.),
второе обретение мощей(1991г (19.08.2003 17:43)
От юности возлюбил еси Христа,блаженне,образ всем был еси
словом,житием,любовию,духом,верою,чистотою и смирением.
Темже и вселился еси в Небесныя обители,идеже предстоя
престолу Пресвятыя Троицы,моли,святителю Тихоне,
спастися душам нашим.
Апостолов преемниче,светителей украшение,
Православныя Церкве учителю,Владыце всех
молися мир вселенней даровати
и душам нашим велию милость.
408. 26 августа.Отдание праздника Преображения Господня
(19.08.2003 17:36)
Сияние паче солнца,свет яснейший,Спас просияв на Фаворе,нас просветил есть.
Сияние паче солнца,свет яснейший,Спас просияв на Фаворе,нас просветил есть.
Слава,Господи,святому Преображению Твоему.
138. 26 августа - иконы Божией Матери СТРАСТНАЯ
(23.08.2002 13:15)
СТРАСТНАЯ икона Пресвятой Богородицы получила название от того,что около лика
Матери Божией изображаются два Ангела с орудиями страстей Господних.
Перед ней молятся об избавлении от беснования.
Избранней Богом Владычице всей твари,благословенней Марии Деве Богородице,
приносим смиренное поклонение святому Твоему образу,Ты же,о Пренепорочная,
приими молитву недостойных раб Твоих,почитающих Крестныя страдания Сына
Твоего и Бога нашего,со умилением зовущих Ти:Радуйся,Невестна Неневестная.
406. 26 августа.Икон Божией Матери,именуемых СТРАСТНАЯ(1641г.)
и Умягчение злых сердец (19.08.2003 18:10)
Умягчи наша злая сердца,Богородице,и напасти ненавидящих нас угаси,
и всякую тесноту души нашея разреши,на Твой бо святый образ взирающе,
Твоим страданием и милосердием о нас умиляемся и раны Твоя лобызаем,
стрел же наших,Тя терзающих,ужасаемся.Не даждь нам,Мати Благосердная,
в жестокосердии нашем и от жестокосердия ближних погибнути,Ты бо еси
воистину злых сердец умягчение.
405. 26 августа.Минской(1500г.)иконы Божией Матери (19.08.2003 17:59)
На древе крестнем явилася еси,Пренепорочная Отроковице,
от Царьграда и Киева Богоспасаемому граду Минску
милость показавши.Просвети нас,грешных,сиянием Своим,
яви,яко присно,силу Свою,спаси нас предстательством Своим
и избавляй от навет вражиих,Тя бо Необориму Стену
и Едину Надежду имамы.