Удобрение Христовых страстотерпец

1.

436. 20 окт.Мучеников Сергия и Вакха(290-303г.г.) (18.10.2003 18:02)
Удобрение Христовых страстотерпец и очи Христовы Церкве,очи просветите душ наших,
Сергие многострадальне и Вакше преславне: молитеся ко Господу,яко да убежим тьмы
греховныя и Света явимся общницы невечерняго молитвами вашими,святии.
Разум на враги мужески вооруживше,всю тех лесть разрушисте,и,победу свыше приимше,
мученицы всехвальнии,единомысленно вопиюще: добро и красно,еже быти с Богом.
787. 20 окт. Псково-Печерской иконы Божией Матери, именуемой"Умиление
(18.10.2006 17:58)
Боготечную звезду,честную икону Твою,показала еси обители и веси Печерския,
Владычице мира! К нейже вернии зряще и любовию лобызающе,взываем:
буди нам щит и ограждение,да вопием Богу: Слава Тебе,Боже наш!
402. 20 окт.Псково-Печерской иконы Божией Матери"Умиление (18.10.2003 17:36)
Всяких сил ангельских превысшую Деву,немолчно Тя хвалят наши сердца,Тя истинно
чистейшую светлостей солнечных непрестанно величают.Ты же ходатаице о нас буди
в день страшнаго суда к Сыну Твоему и Богу,воспомни тогда грешных моления
и сподоби пети Богу: Слава Тебе,Боже наш.
457. 20 окт.Прп.Сергия Нуромского(Вологодского)/1412г./ (18.10.2003 17:56)
Желанием духовным разгарашеся,пребогате,слез твоих течением душу свою напоил еси
и еже из глубины воздыханьми уязвляше сердце свое,и бодренными молитвами,
и всенощным предстоянием Владыце Христу многодобродетелен плод принесе сам себе.
И сего ради яко Божий угодник светло миру показася,сияя чудесы,Сергие отче наш,
теплый молитвенниче к Богу,всегда о нас Того моли,да спасет души наша.
474. 20 окт.Обретение мощей прп.Мартиниана Белоезерского(1514г.)(18.10.2003 17:47)
Богу от юности,отче,избравшу и возлюбившу тя и провидящу твое доброе произволение,
наставляет тя приити к преподобному Своему угоднику Кириллу всеблаженному,
от негоже наставлен бысть на путь спасения,страхом Божиим,и чистотою душевною,
и благоговением,и непрестанными к Богу молитвами во мнозе подвизе жизнь свою
препроводил еси и заповеди Божия непорочно соблюл еси,пастырь и наставник иноком
предивен был еси,и ныне Престолу Христову со дерзновением предстоиши на Небесех,
со Ангелы светоликовствуя,отче преподобне,Мартиане всеблаженне,не престай моляся
Христу Богу спасти и помиловати души наша.