Апостоли святии, молите Милостиваго Бога

1.

385. 20 сент.Апостолов от 70-ти Евода и Онисифора(I в.) (17.09.2003 14:32)
Апостоли святии,молите Милостиваго Бога,да прегрешений оставление подаст душам нашим.
411. 20 сент.Мученика Созонта(ок.304г.) (15.09.2003 14:59)
Истиннаго и богомудраго мученика,страдальца,благочестия искуснаго,сошедшеся днесь,
велегласно восхвалим,Созонта,таинника благодати,исцелений дателя богатейшаго:
молит бо Христа Бога о всех нас.
434. 21 сент.Рождество Пресвятой Владычицы нашей Богородицы (17.09.2003 14:42)
Купина в горе огнеопальная и росоносная пещь халдейская,яве предписа Тя,Богоневесто:
Божественный бо Невещественный в вещественном чреве Огнь неопально прияла еси:
темже из Тебе Рождшемуся поем: благословен еси Боже отец наших.
433. 20 сент.Прмч.Макария Каневского,архим.Овручского,Переяславского (15.09.2003 15:14)
Христу нас ради с Небес сошедшему,последовал еси в подвизех твоих,Макарие,отче наш.
Егоже моли о нас,ублажающих тя,прощение прегрешений даровати нам,любовию же
и смирением сердца наша озарити и спасти души наша.
743. 20 сент. Предпразднство Рождества Пресвятой Богородицы (15.09.2006 14:24)
Мироположнице и Скиние Пресвятая Бога Слова,нам слово даждь
и мысль управи,во еже пети Тя,яко Благую Благому Родительницу.
432. 20 сент.Свт.Иоанна,архиеп.Новгородского(1186г.) (15.09.2003 15:09)
Возвеселися явленно,Честная Церковь Христова,в память днесь приснословущаго
святителя Иоанна,от великаго Новграда возсиявшаго; и всю страну удивившаго
преславными чудодеянии,и всеми добродетельми украсившагося.
И по преставлении бо честное тело его обретеся нетленно,источающее велия чудеса.
Темже зовем ему:о всеблаженне! Моли Христа Бога непрестанно о всех нас.
440. 21 сент.Рождество Пресвятой Владычицы нашей
Богородицы и Приснодевы Марии (17.09.2003 14:46)
Жизни раждается днесь мост,имже человецы воззвание падения,
еже от ада,обретшии,Христа Жизнодавца песньми прославляют.
439. 20 сент.Прп.Макария Оптинского(1860г.) (17.09.2003 14:29)
Чертог Твой вижду,Спасе мой,украшенный,и одежды не имам,да вниду в онь:
просвети одеяние души моея,Светодавче,и спаси мя.
Святая Отроковице,Богородительнице,на мое смирение милосердно призри,умиленное мое
и последнее моление сие приимши,и мучащаго вечнующаго огня потщися избавити мя.
--------------------------------------------------В тебе,отче,известно спасеся еже по образу:приим бо крест,последовал еси Христу,и дея учил еси
презирати убо плоть,преходит бо,прилежати же о души, вещи безсмертней.Темже и со Ангелы
срадуется,преподобне Макарие,дух твой.
438. 20 cентября.Александру(Пересвету)и Андрею(Ослябе),Радонежских (17.09.2003 14:20)
Воини Христолюбивии,страдальцы послушания прехвальнии,Александре дивный Пресвете
и Андрее,Ослябей именуемый,Сергия игумена благодатные наследницы,Куликовской брани
ратницы духовнии,вы бо змия агарянскаго победисте. Но и нас своим заступлением
не остависте,телами в храме Рождества Богородицы почиваете,душею в превышнем
Селении пребываете. Молите за весь род русский православный,
преподобнии сродницы наши.
436. 20 сентября.Предпразднство Рождества Пресвятой Богородицы (15.09.2003 14:52)
От корене Иессева и от чресл Давидовых Богоотроковица Мариам раждается днесь нам:
радостию бо радуются всяческая и обновляются. Срадуйтеся купно,Небо и земля,
восхвалите Ю отечествия языков. Иоаким веселится,и Анна торжествует,зовущи:
неплоды раждает Богородицу и Питательницу жизни нашея.
Дева днесь,и Богородица,Мария,чертог бесконечный Небеснаго Жениха,
раждается от неплодове,Божиим советом: колесница Слова благоукрашается.
На сие бо преднаречеся Божественная дверь и Мати сущия Жизни.