466. 14 октября. Икон Божией Матери. Псалмы

1.

466. 14 октября. Икон Божией Матери: (09.10.2003 11:36)
Псково-Покровской,Люблинской,Касперовской,Браиловской,Гербовецкой,Барской и
именуемой"Кукузелисса".
Днесь светло красуется Богоспасаемый град Псков и вся страна Российская пришествием Матери Бога
Вышняго на избавление града сего от варварскаго пленения.Услыша плач и слезы раб Своих,скоро
приклонися на мольбу к Сыну Своему и Богу нашему,и моление Своим гнев Божий укроти и весь мир
просвети,и град сей от скорби на радость премени. О,дивному знамению,како Пресвятая Владычице
прииде на воздусе и в церковь Свою и на забрало града Пскова и призва угодников Своих,
благоверных князей,и поноси в людех беззаконие. И Своею пречистою рукою указоваше на поганаго
злага варвара и его совет на разрушение.Возвеселися,Богоспасаемый граде Пскове и все Православие,
имеюще такову Заступницу непобориму. Днесь притецем,вернии,в дом спасительный Владычицы
Богородицы,светло празднуя,и ко святому Ея образу со слезами припадем,вопиюще и глаголюще:
О Всемилостивая Госпоже Владычице Богородице,молися Сыну Своему Христу Богу нашему спасти
православныя люди и град сей избавити от огненнаго запаления и от нахождения поганых и
междоусобныя брани,и спасти души наша яко Милосердая.
168. 14 октября.Покрову Пресвятой Богородицы (08.10.2002 13:10)
Скинию Тя Моисей,и жезл Ааронов именова:Ты бо животное древо Христа процвела еси.
К Немуже дерзновение имущи,за ны чествующия Ты,Царице,помолися,
избавити нас от всякаго зла:да Твоего Покрова праздник славим.
Не яко пред кивотом древле собрав Давид лики,играет,но паче ныне с чинми святых пред Тобою
текущи в церковь,Тебе кланяющеся глаголет:моли за чествующия Тя люди,
да Твой славяще Покров,честно празднуем.
Поют Тя,Богородице,Ангельстии чини,и славят патриарси со святители,пред лицем Ти
текуще в церковь. С нимиже Тя тогда святый Андрей виде за ны грешныя
к Богу молящуюся,помиловати люди,славящия Твоего Покрова праздник.
453. 14 октября.Покров Пресвятой Богородицы (09.10.2003 11:53)
Божественное сие и всечестное совершающе празднство,богомудрии,
Богоматере,приидите,руками восплещим,от Нея рождшагося Бога славим.