775. 14 октября. Покров Пресвятой Владычицы нашей Богородицы. Псалмы

1.

Во имя Отца и Сына и Святого Духа.Аминь
775. 14 октября. Покров Пресвятой Владычицы нашей Богородицы (11.10.2006 17:06)
Паче солнечных лучь,Твоим блистающим омофором,освещаеши Церковь и люди,и тьму грехов наших
отгониши посещением Твоим,Богородице,к Сыну Твоему и Богу за ны молящися.
Пресвятая Богородице,спаси нас.
Помяни нас во Твоих молитвах,Госпоже Дево Богородице,да не погибнем за умножение грехов наших.
Покрый нас от всякаго зла и лютых напастей: на Тя бо уповаем,
и Твоего Покрова праздник чествующе,Тя величаем.
Слава Отцу и Сыну и Святому Духу,и ныне и присно,и во веки веков,аминь.
774. 7 окт. Мирожской иконы Божией Матери(1198) (06.10.2006 15:52)
Яко звезда пресветлая возсия в Российской земли от иконы честнаго образа Твоего,Богородице Дево,
из обою очию текущи слезы Твоя,яко река,и видевше народи псковстии,мужи и жены и с чады,
с плачем молящеся образу Твоему,сице глаголюще: о Пресвятая Владычице Богородице,
не забуди грешных раб Твоих,молящихся Христу Богу нашему спастися нам.
778. 14 октября. Иконы Божией Матери Псково-Покровской(1581) (11.10.2006 17:38)
Царице моя Преблагая,Надеждо моя Богородице,Прибежище сирых и странных Предстательнице,
скорбящих Радосте,обидимых Покровительнице! Зриши мою беду,зриши мою скорбь,помози ми
яко немощну,направи мя яко странна. Обиду мою веси,разреши ту,якоже волиши:
яко не имам иныя помощи разве Тебе,ни иныя предстательницы,ни благия
утешительницы,токмо Тебе,о Богомати,яко да сохраниши мя и покрыеши во веки веков. Аминь.
777. 14 октября. Люблинской иконы Божией Матери (11.10.2006 17:31)
Тварей явилася еси Чистая,всех видимых и невидимых превышши Всенепорочная,
Зиждителя бо родила еси,якоже изволи воплотитися во утробе Твоей.
Егоже со дерзновением моли спасти поющия Тя.
779. 14 октября. Касперовской иконы Божией Матери (11.10.2006 17:41)
Умервщление плодом мне Ева принесе,Ты же,Жизнь рождши Ипостасную Пречистая,
абие исправила еси. Темже зовем Ти: слава силе Твоей.
137. 14 октября.Покров Пресвятой Богородицы (08.10.2002 13:40)
Помяни нас во Твоих молитвах,Госпоже Дево Богородице,да не погибнем за умножением
грехов наших. Покрый нас от всякаго зла и лютых напастей:на Тя бо уповаем,
и Твоего Покрова праздник чествующе,Тя величаем.
433. 15 октября.Сщмч.Киприана,мц.Иустины и мч.Феоктиста(304г.) (13.10.2003 12:01)
От художества волшебнаго обратився,богомудре,к познанию Божественному,
показался еси миру врач мудрейший,исцеления даруя чествующим тя,Киприане,
со Иустиною: с неюже молися Человеколюбцу Владыце спасти души наша.
432. 14 окт.Прп.Романа Сладкопевца(VIв.) (09.10.2003 12:02)
Божественными добродетельми духа измлада украсився,Романе премудре,
Церкве Христовы пречестное украшение был еси:
пением бо прекрасным украсив Ю,блаженне.Тем молим тя:
подаждь желающим Божественнаго дарования твоего,яко да вопием ти:
радуйся,отче преблаженне,красото церковная.
431. 14 октября.Покров Пресвятой Богородицы (09.10.2003 11:50)
Тебе припадаем,Госпоже,верою,и покланяющеся благодарно вопием Ти:
радуйся,Богоблагодатная Дево,покрове и ограждение наше,Помощнице
в беде сущим,спаси нас,к Тебе прибегающих,на Тя бо надеемся.