763. 30 сентября. Макарьевской (1442) иконы Божией Матери. Псалмы

1.

Благословен Бог
763. 30 сент. Макарьевской(1442)иконы Божией Матери (24.09.2006 14:50)
Превечно от Отца возсиявша Бога Слова во утробе плотию заченшую
вси ублажаем,яко Матерь всех Бога.
Воплотися Бог по Ипостаси,Чистая,из Тебе плоти соединяемь,пребыв неизменен,
по Божественному существу безплотен.
К Богородице прилежно ныне притецем,грешнии и смиреннии,и припадем,в покаянии
зовуще из глубины души: Владычице,помози,на ны милосердовавши,потщися,погибаем
от множества прегрешений,не отврати Твоя рабы тщи,Тя бо и едину Надежду имамы.
762. 30 сент. Цареградской(1071)иконы Божией Матери (24.09.2006 14:41)
Препрославленная Вышняго Матерь созывает к песнопению нас Своего образа
пришествием от Царьграда и возбуждает зрением того на подвиг,побеждати сопротивных силу,
и к Ней,яко нашея радости виновней,пети: Радуйся,Невесто Богоневестная.
Слава Отцу и Сыну и Святому Духу,и ныне и присно,и во веки веков,аминь.
761. 30 сент. Мучениц Веры,Надежды,Любови и матери их Софии (24.09.2006 14:34)
О,многострадальная и премудрая великомученице Христова Софие!
Ты душею на небеси у Престола Господня предстоиши,на земли же,
данною тебе благодатию,различная совершаеши исцеления:
призри убо милостивно на предстоящия люди и молящияся
пред мощами твоими,просящия твоея помощи: простри ко Господу
святыя молитвы твоя о нас,и испроси нам оставление согрешений наших,
недужным исцеление,скорбящим и бедствующим скорую помощь:
умоли Господа,да подаст всем нам христианскую кончину и добрый
ответ на Страшном Суде Своём,да сподобимся и мы купно с тобою
славити Отца и Сына и Святаго Духа во веки веков. Аминь.
760. 29 сент. Иконы Божией Матери,именуемой"Призри на смирение" (24.09.2006 14:23)
Пренепорочная Дево,отображение Лика Твоего чтущия,благодарныя дары приемлеши,
живым и мертвым помогаеши,град и страну нашу спасаеши,и пред Сына Твоего,
молитвы приносиши и спасаеши всех нас.
390. 30 сент.Мучениц Веры,Надежды,Любови и матери их Софии(ок.137г.(25.09.2003 13:05)
Софии честныя священнейшия ветви,Вера и Надежда и Любовь,показавшеся,
мудрость обуиша еллинскую благодатию,и пострадавше,и победоносицы явившеся,
венцем нетленным от всех Владыки Христа увязошася.
133. 30 сентября.Мучениц Веры,Надежды,Любови,Софии (28.09.2002 13:27)
Агницы словесныя Агнца и Пастыря,огню и мукам преданы бысте,
и явистеся ангелом равночестни.Тем вси священную вашу память
празднуем в веселии сердца,девы Богомудрыя.
452. 30 сент.ЦАРЕГРАДСКОЙ(1071г.)и Макарьевской(1442г.)
икон Божией Матери (27.09.2003 12:54)
Благословенная Матерь Божия,моли Сына Своего Господа о нас.
161. 30 сентября.Веры,Надежды,Любови и матери их Софии
(28.09.2002 13:19) Торжествует Церковь первородных,и свеселится
приемля матерь о чадех веселящуюся,яже яко мудрости тезоименитая
тройственным богословским добродетелем равночисленныя породи.
Тыя с мудрыми девами зрит уневестившияся Жениху Богу Слову,с нею и мы
духовне в памяти их свеселимся,глаголюще:Троицы поборницы,Веро,Любве
и Надеждо,в вере,любви и надежде утверждайте нас.
155. 30 сентября.Вере,Надежде,Любови и матери их Софии (28.09.2002 13:11)
Вас,святыя мученицы,Веро,Надеждо и Любы,славим,величаем и ублажаем,
купно с мудрою материею Софиею,ейже покланяемся,яко образ богомудраго
попечения являющей. Умоли,святая Веро,Творца видимых и невидимых,
да веру крепку,неблазненну и нерушиму подаст нам. Ходатайствуй,святая
Надеждо,пред Господом Иисусом за нас грешных,да упование на благая Своя
не отженет от нас и от всякия скорби и нужды да избавит ны. Исповеждь,святая
Любы,Духу Истины,Утешителю,напасти и печали наша,да Той свыше сладость
небесную ниспослет душам нашим. Помозите убо в бедах наших,святыя мученицы,
и,купно с мудрою материю вашею Софиею,молите молостиваго Бога да сохранит
под покровом Своим Церковь Свою Святую. Такожде и о всех нас вашего теплаго
предстательства пред Богом усердно молим,да купно с вами и со всеми святыми
превознесем и препрославим пресвятое и великое имя Отца и Сына и Святаго Духа,
Бога,предвечнаго Владыки и благих Содетеля,ныне и присно,и во веки веков.Аминь.