Открытка Удмуртия

1.

4-тӥ шуркынмон —
Удмуртилэн кунлык басьтон нуналэз.
Гажано эшъёс,
ваньдэсты ӟечкыласькомы!

2.

Удмурт шаерлэн историысьтыз
• 1920-тӥ аре 4-тӥ шуркынмонэ кӧня ке выль автономи
улосъёс кылдытон сярысь постановление юнматэмын вал.
Со постановлениын верамын вал: «кылдытоно… ужась
калыкъёслэсь — калмыкъёслэсь, поръёслэсь но
вотякъёслэсь — автономи улосъёссэс». Озьы кылдӥз Вотяк
автономи улос.
• 1932-тӥ аре 1-тӥ толшоре СССР-ысь ВЦИК-лэн
постановлениезъя улосмылэн нимыз воштэмын вал:
«Вотяк автономи улослэн коренной калыкез… удмурт
калык луэ бере, …Вотяк автономи улослы выль ним
сётоно: Удмурт автономи улос».
• 1934-тӥ аре 28-тӥ толсуре СССР-ысь ВЦИК «Удмурт
автономи улосэз Удмурт Автономи Кенешо Социализмо
Республикалы пӧрмытэм сярысь» постановленизэ кутэ.
• 11-тӥ коньывуонэ 1991-тӥ арысен Удмуртиысь Вылӥ Кенеш
шаермылэсь выль нимзэ юнматӥз — Удмурт Республика.

3.

Ашальчи Оки
Вордӥськем музъеммы
Вордӥськем шаермы,
Туж мусо потӥськод,
Туж шулдыр адскиськод!