Л.В Кокышевтыҥ баштапкы алтай роман «Арина»

1. Л.В Кокышевтыҥ баштапкы алтай роман «Арина».

2.

Лазарь Васильевич
Кокышев.

3.

4.

Ачык тапчы кöзнöктиҥ jаагына
Унчукпай Арина уур jöлöнди.
Тымык, тымык. Туулар уйкуда…
Унчукпай Арина тереҥ ÿшкÿрди.
Уча берди бöднöлöр jалаҥга.
Jодро jыды кöзнöктöҥ jытанат.
Jылдызы ойногон теҥери алдыла
Кыстардыҥ кожоҥы араай jайылат.
Городтоҥ келген эриниҥ письмозы

5.

Ӱч кÿнге чыгара столдыҥ ÿстинде.
Энезин кöрÿп, уйуктабайт балазыТÿн öткöнчö энениҥ тöжинде.
Эрине таштаткан эне кожоҥдоп,
Балазын jайкап, эҥирди аjыктайт.
Ачузын бадырбай, jылдыстар кородоп,
Теҥеридеҥ jерге чурап тургулайт.
Деремнениҥ ары jанында, jалаҥда
Кажы ла эҥирде jиитер jуулыжат.

6.

Кажы ла кÿн кöзнöктиҥ тыштында
Jÿрум кожоҥдойт, jодро jайылат…
Jе коронду письмо столдо jатканчаАлты конды столдыҥ ÿстинде…
Кенетийин Арина, балазын алганча,
Чыгара jÿгÿрди jетинчи кÿнде!
Jÿрек сыстаткан письмоны алала,
Jырта согуп, jерге таштады.
«Кемибис jеҥер»- деп, ол айдала,

7.

Jиитерге чыгып, биjе баштады.
Амыр билбес, чурана, чурана!
Кыстардыҥ санаазын ыраак апарат.
Jÿрÿм jараш…
Деремне учында
Салкынга буудай араай jайканат.
Учы кöринбес ажыныҥ jанында
Таҥ атканча Арина турат.
Уужалган письмо салкынга сабадып,
Ээн jалаҥга ташталган айланат…