Әсәйем кәңәштәре. Әсәй-ошо наҙлы һүҙҙә

1.

Әсәй-ошо наҙлы һүҙҙә
Тик мөхәббәт кенә сағыла.
Әсәйемдең йырҙарынан беҙгә
Бөтмәҫ һөйөү генә ағыла.

Әсәйемдең вафатына күпме заман...
Әммә әйткән кәңәштәре ынйы тамам:
Күңелемдә балҡып тора әле һаман!
...Таратырға ине һеҙгә шуны самам...
«Юҡҡа бәхәс ҡорорға тип ярһып торма,
Юл ауыр тип, аҙымыңды кире борма;
Аяҡтарың тартмай икән – юлға сыҡма,
Тәгәрәгән тәгәрмәскә таяҡ тыҡма.
Үҙ йөгөңдө үҙең илт – сит иңгә һалма,
Кемдер һинән кәңәш көтһә, телһеҙ ҡалма;
Бушҡа килгән хәрәм һыйҙы тамсы йотма,
Бер ҙә юҡҡа ҡулдарыңа ҡамсы тотма.

4.

Дуҫтарыңдың дуҫтарына иҫәп ҡорма,
Дошманыңдың бошҡанына ауыҙ йырма;
Ярҙам ҡулы һуҙ бәндәгә – ярҙан этмә,
Кемдәрҙеңдер көмөшөнән өлөш көтмә.
Һөмһөҙләнеп һәр саҡырған ергә барма,
Асығауыҙ алдында ла борсаҡ ярма;
Һинән өлкән бар тәҡдирҙә түргә уҙма,
Буйың етмәҫ нәфис йәргә нәфсе һуҙма.
Тонсоп ятҡан үле күлдә балыҡ һөҙмә,
Көткәндәрҙең өмөттәрен берүк өҙмә;
Кәрәктәрең бар сағында ситкә китмә –
Төйәгеңде таяныстан мәхрүм итмә.

Әсәйем кәңәштәре. Әсәй-ошо наҙлы һүҙҙә

1.

2.

3.

4.

5.

6.

7.

8.

9.