Апрель церковного календаря

1.

229. 2 апреля.Прпп.Иоанна,Сергия,Патрикия и прочих,
в обители св.Саввы убиенных 796г. (22.03.2003 12:06)
Земных и тленных наслаждение презревше яве,преблаженнии,
пустынное житие изволивше,мира же краснейшее и пищи временныя
возненавидевше,отонудуже сподобистеся Небеснаго Царствия,
с лики мученик и постник веселящеся. Темже чтуще память вашу,
вопием вам прилежно: от бед нас,отцы,избавите.
284. 2 апреля.Прп.Евфросина Синозерского,Новгородского(1612г.)
(22.03.2003 11:55)
От юности твоея вперив ум твой к Богу,блаженне Евфросине,
мира же отвергся,вселился еси в пустыню непроходимую,
и тамо,от Господа укрепляемь,в молитвах и пощениих
доблественне пожил еси,и жизнь твою страдальчески
убиением от сынов противления скончал еси,сего ради
со преподобными и мученики венчался еси,с нимиже и ныне
предстоиши Престолу Пресвятыя Троицы. Сию моли,молим тя,
оставление подати согрешений наших и даровати нам велию милость.
644. 2 апреля. Мученицы Фотины(Светланы)самаряныни(66г.)
(28.03.2006 16:34)
О,святая мученице Фотино! Безмерно любовию ко Христу окрыляема,
мужество,терпение и силу велию с находившимися с тобою сестрами,
сыновьями и просвещенными тобою явила еси. Евангелие Христово
с дерзновением проповедала,и явися тебе и всем,с тобою бывшим,
Христос,и всех на предстоящия муки укрепил и утешил. В Рим
пришедши и безбоязненно Христа исповедавши,в темницу заключена
быша,и многия муки претерпеша,в колодезь брошена,душу свою
Господу предала еси. Услыши нас,святая Фотино,духовною красотою
воссиявшая и людей непрестанно и неумолкаемо,в темнице и в городах,
вере во Христа поучавшая. Внемли нам,взирая на нас грешных,
и благодатию Христовою исцели болящих лихорадкою,да не окропит их
дождь греховный,но в здравии душевном и телесном жизнь свою
неослабно в добрых делах проведут и прославят Владыку всех,
Отца щедрот,Бога Милостиваго,во все веки. Аминь.