Иконы Божией Матери "Споручница грешных"

1.

640. 20 марта. Иконы Божией Матери"Споручница грешных" (01.03.2006 15:52)
В нарочитый день праздника нашего отверзем,людие,уста своя и новыми песньми
величия Приснодевы воспоем. Се бо явлением святыя Своея иконы - грешным
Споручницы - множеством чудес от нея славно прославися.
Пресвятая Богородице,спаси нас.
Свыше данною Ти благодатию обновила еси,Споручнице мира,многими грехами
обветшавшия сердца наша,и,воздеющи руце,молишися к Сыну Твоему
за люди согрешившия: спаси,Дево,нас молитвами Твоими.
Пресвятая Богородице,спаси нас.
Ороси нас росою молитв Твоих,Богородительнице,и неплодная в пустыне греховней
увядающая сердца наша плодоносны ныне соделай всесильным к Богу
ходатайством Твоим.
Пресвятая Богородице,спаси нас.
Господи,помилуй. Господи,помилуй. Господи,помилуй.
Слава Отцу и Сыну и Святому Духу,и ныне и присно,и во веки веков,аминь.
609. 21 марта. Иконы Божией Матери"Знамение"Курской(1898г.) (13.03.2004 16:12)
Дево Пренепорочная,Мати Христа Бога,оружие пройде Твою пресвятую душу,
егда распинаема видела еси волею Сына и Бога Твоего,Егоже,Благословенная,
молящи не престай,прощение прегрешений нам даровати.
268. 20 марта.Сщмчч.в Херсонесе,епископствовавших(IVв.) (13.03.2003 13:15)
Cветоносный день наста пастырей,епископствовавших светло во Херсоне,
ихже воспеваем праздник,пострадавших за Христовы овцы. Священномученицы,
молите Пастыреначальника Христа и нас причести деснаго овец стояния,
да вопием вам: радуйтеся,священнии отцы,за Христа кровь свою излиявшии.
608. 20 марта. Иконы Божией Матери СПОРУЧНИЦА ГРЕШНЫХ (13.03.2004 16:08)
Честное Жилище бывши неизреченнаго естества Божественнаго выше слова и паче ума,
и грешным еси Споручница,подаваеши благодать и исцеления,яко Мати всех
Царствующаго,моли Сына Твоего,получити нам милость в день судный.
246. 20 марта.Иконы Божией Матери СПОРУЧНИЦА ГРЕШНЫХ
(13.03.2003 13:49)
Умолкает ныне всякое уныние и страх отчаяния исчезает,
грешницы в скорбех сердца обретают утешения и небесною любовию
озаряются светло. Днесь бо Мати Божия простирает к нам спасающую
руку и от Пречистаго образа Своего вещает,глаголя:
Аз Споручница грешных к Моему Сыну,Сей дал Мне за них руце
слышати Мя выну. Темже людие,обремененнии грехми и скорбьми
многими,припадите к подножию Ея иконы со слезами,вопиюще:
Заступнице мира,грешных Споручнице! Умоли Матерними Твоими
молитвами Избавителя всех,да Божественным всепрощением покрыет
грехи наша и светлыя двери райския отверзет нам,Ты бо еси
предстательство и спасение рода христианскаго!