Февраль православного календаря. Блаженной Ксении Петербургской

1.

622. 6 февраля. Блаженной Ксении Петербургской(XIXв.) (15.01.2006 14:18)
Суеты земнаго мира отвергшася,крест жития бездомнаго во странничестве прияла еси,
скорбей,лишений,людскаго осмеяния не убоялася еси,любовь же Христову познала еси,
еюже ныне на Небеси услаждаешися,Ксение блаженная Богомудрая,молися о спасении
душ наших.
Молитва усердная пища тебе бысть,праведнице; ругания и осмеяния,питие сладкое;
смиренномудрие,одежда украшения; и венец,Духа сияние.
Слава Отцу и Сыну и Святому Духу,и ныне и присно,и во веки веков,аминь.
Предстательнице и скорая Заступнице рода христианскаго,бездомных и отечествия
лишенных Покровительнице,моли присно сына Твоего и Бога с блаженною Ксениею
за русския люди во отечествии и в разсеянии сущия,да Отечествия неотъемлемаго,
Небеснаго достигнем.
Женскую немощь отлагающи,Андреем нареклася еси,мужеумная,противу духов злобы
подвизающися,слава силе твоей,к Подающему ти силу взавающи.
Святая блаженная мати наша Ксение,моли Бога о нас.
Юныя вразуми и на путь истины настави,старыя умудри и Божественная разумети научи,
всяко на дела благая их подвизающи,о Ксение,мудрость Небесную стяжавшая.
Святая блаженная мати наша Ксение,моли Бога о нас.
Помощница нам буди,блаженная,изымающи нас от скорбей и болезней,от соблазнов же,
нестроений и бед,и желания сердец наших во благо исполни,яко да о тебе Бога
благодаряще,вопием: благословите дела Господня непрестанно Господа.
Святая блаженная мати наша Ксение,моли Бога о нас.
547. 6 февр.Свт.Герасима,еп.Великопермского,Устьвымского(1441г.) (29.01.2004 12:14)
Божественныя веры проповеданием землю Зырянскую озарил еси и ко Христу люди многия
привел еси. Возопиет же с тобою и Авель ко Господу и Захариина кровь праведная,
отче Герасиме,моли Христа Бога пастве твоей и всем,любовию память твою
совершающим,даровати велию милость.
201. 6 февраля.Блаженной Ксении Петербургской(Х1Хв.) (03.02.2003 16:14)
Нищету Христову возлюбивши,безсмертныя трапезы ныне наслаждаешися; безумием мнимым
безумие мира обличивши,смирением крестным силу Божию восприяла еси.
Днесь светло ликует град святаго Петра,яко множество скорбящих обретают утешение,на твоя
молитвы надеющеся,Ксение всеблаженная,ты бо еси граду сему похвала и утверждение.
515. 6 февр. Мученика Иоанна Казанского(1529г.) (29.01.2004 12:19)
Страстотерпче святый Иоанне,блаженна земля,напившаяся крове твоея,Христа бо
со дерзновением проповедав,многия муки от неверных агарян приял еси,
страданьми своими противных дерзости низложив,Троицы поборник
явился еси,Юже и моли даровати нам велию милость.
514. 6 февр. Блж.Ксении Петербургской(XIXв.) (29.01.2004 12:09)
Избранная угоднице и Христа ради юродивая,святая блаженная мати Ксение,
избравшая подвиг терпения и злострадания,хвалебное пение приносим ти,чтущия
святую память твою. Ты же заступи нас от враг видимых и невидимых,да зовем ти:
Радуйся,Ксение блаженная,молитвеннице о душах наших.