569. 26 января. Прп. Иринарха, затворника Ростовского(1616г.). Псалмы

1.

569. 26 янв.Прп.Иринарха,затворника Ростовского(1616г.)
(19.01.2004 12:30)
Яко мученика добропроизвольна и преподобных удобрение,
звезду Ростовскую,в затворе,узах и веригах Господеви
благоугодившаго и чудес благодать от Него приемшаго,
Иринарха предивнаго песньми хвалебными почтим
и,к нему припадающе,умильно глаголем:
отче преподобне,моли Христа Бога спастися душам нашим.
537. 26 янв. Прп.Елеазара Анзерского(1656г.) (19.01.2004 12:35)
Отверг плоти тленная,нетленных потщался еси достигнути,
и,мира удалився,вселился еси в морский остров,и на нем
усердно многа лета Господеви поработал еси,сего ради
и дары прозрения и чудес обогатился еси,отче преподобне
Елеазаре,Христа Бога моли даровати нам мир и велию милость.
570. 27 янв. Отдание праздника святых Богоявлений
(19.01.2004 13:06)
Слава Тебе,вземльшему на Себе грехи мира,
прародительский грех в водах Крещения потопившему.
Слава Тебе,Милости предвечная,Крещением Твоим
новый мир от вод Иорданских человеком явившему.
Слава Тебе,водою и Духом истлевшее страстьми
неможение наше пресветло очищающему.
Слава Тебе,Образе пресветлый ипостаси Отчия,
к чудному нестареемому животу банею пакибытия приведи нас.
Слава Тебе,Святаго Духа в Твоем Богоявлении явившему,
да чистым духом в Небесный чертог Твой совнидем.
Слава Тебе,Победителю жизни,новую чистую жизнь
не по плоти,но во обновление духа даровати благоволившему.
Слава Тебе,Сыне Божий,во Иордане крестивыйся
и весь мир просвещей,слава Тебе.