Октябрь православного календаря

1.

141. 17 октября.Гурию,архиеп. Казанскому и Варсонофию,еп.Тверскому (16.10.2002 11:31)
Первии учитилие прежде темному,ныне же светлому и новопросвещенному граду Казани,
первии возвестителие пути спасительнаго,истиннии хранителие апостольских преданий,
столпи непоколебимии,благочестия учитилие и Православия наставницы,Гурие и Варсонофие,
Владыку всех молите мир вселенней даровати и душам нашим велию милость.
400. 17 окт.Сщмч.Иерофея,еп.Афинского(1в.) (15.10.2003 12:45)
Благости научився и трезвяся во всех,благою совестию священнолепно оболкся,почерпл еси
от сосуда избраннаго неизреченная,и,веру соблюд,равное течение совершил еси,
священномучениче Иерофее; моли Христа Бога спастися душам нашим.
Якоже столп непоколебимь,Иерофее,прещения врагов не устрашился еси,но прелести разрушил еси
твердыню,яко камень честен валяяся,отче.Тем Владыка тя храбрствовавша венчает Живоначальною
и Божественною десницею,Егоже о всех нас умоли.
472. 17 окт.Блгв.кн.Владимира Ярославича Новгородского,чдтв.(1052 (15.10.2003 12:37)
Измлада явился еси,Богомудре княже Владимире,Божественный сосуд избран Богови,благочестием
воспитан,веру непорочну соблюл и,храм пречуден Премудрости Божия в Великом Новеграде сем
устроив,тело твое в нем предложил еси,и ныне,на Небесех предстоя Престолу Святыя Троицы,
молися ниспослати и нам велию и богатую милость.
471. 17 окт.Прпп.Аммона и Пиора,затворников Печерских(XIIIв.) (15.10.2003 12:31)
Егда изшел еси от мира,тогда мирская вся яко тщетна отвергл,егда же образ иноческий
на ся прият,тогда вражия коварства подвиги своими и труды,Аммоне блаженне,
попрал еси,вопия: Христе Боже,слава Тебе.
Затворивыйся в месте темне,Богоблаженне Пиоре,и отнюд света сего и всяких прелестей в нем
сущих зрети нехотевый, Света же днесь Невечерняго сподоблься,
моли и нам Светом темже озаритися.