114. 27 сентября. Воздвижение Креста Господня. Псалмы

1.

114. 27 сентября.Воздвижение Креста Господня (24.09.2002 13:33)
О,всеми воспеваемый Кресте всечестный,носивый иногда на себе всех святых Святейшее Слово!
Ты имаши дарование от всякия беды избавить нас,и от вечныя муки избави о тебе вопиющих:
Слава Тебе,Боже наш!
389. 27 сент.Воздвижение Честного и Животворящего Креста Господня (23.09.2003 12:44
Спаси,Господи,народ Твой и благослови достояние Твоё,
победы над сопротивным даруя,и Твоё сохраняя Крестом Твоим жительство.
449. 27 сент.Воздвижение Честного и Животворящего Креста Господня
(23.09.2003 12:47)
Величай,душе моя,Пречестный Крест Господень. Таин еси,Богородице,рай невозделанно
возрастивший Христа,Имже Крестное живоносное на земли насадися древо;
тем ныне возносиму,покланяющеся Ему,Тя величаем.
528. 27 cент. Воздвижение Честнаго и Животворящаго Креста Господня (27.09.2004 11:38)
Четвероконечный мир днесь освящается,четверочастному воздвизаему Твоему Кресту,
Христе Боже наш,и рог верных христиан совозносится.Тем врагов сокрушаем роги:
велий еси,Господи,и дивен в делех Твоих,слава Тебе.
439. 27 сент.Воздвижение Честного и Животворящего Креста Господня (23.09.2003 12:49)
Величаем Тя,Живодавче Христе,и чтим Крест Твой Святый,имже нас спасл еси от работы вражия.
160. 27 сентября.Иоанну Златоусту,архиепископу Константинопольского (24.09.2002 13:09)
Уст твоих,яко же светлость огня возсиявши,благодать вселенную просвети:
несребролюбия мирови сокровища сниска,высоту нам смиренномудрия показа,
но,твоими словесы наказуя,отче Иоанне Златоусте,моли Слова Христа Бога спастися душам нашим.
159. 27 сентября.Воздвижению Креста Господня (24.09.2002 13:02)
Вознесыйся на Крест волею,тезоименитому Твоему новому жительству,
щедроты Твоя даруй,Христе Боже,возвесели силою Твоею верные люди Твоя,
победы дая им на супостаты,пособие имущым Твое оружие мира,непобедимую победу.
758. 27 сент. Леснинской иконы Божией Матери(1683) (24.09.2006 14:13)
Госпоже Всепетая Богородительнице,моя помышления Твоими молитвами очистивши,
покажи мя благоплодна,Мати всех Бога.
Величаем Тя,Пресвятая Дево,Богоизбранная Отроковице,и чтим образ Твой святый,
имже точиши исцеления всем,с верою притекающим.
757. 27 сент. Воздвижение Креста Господня(IVв.) (21.09.2006 17:11)
Воздвизаему Древу,окроплену Кровию воплощшагося Слова Бога,пойте,
небесныя силы;земных воззвание,празднующе людие,поклонитеся
Христову Кресту,имже миру востание во веки.
Слава,Господи,Кресту Твоему Честному.
132. 27 сентября.Воздвижению Креста Господня (24.09.2002 13:17)
Всякое нечестивое естество демонов паде,и устыдися род евреев,
видяще како вси с любовию поклоняются Кресту,всегда изобильно
подающему исцеления взывающим Ему:Слава Тебе,Боже наш.
Огради меня,Господи,силой Честного и Животворящего
Твоего Креста,и сохрани меня от всякого зла.
419. 27 сент.Преставление свт.Иоанна Златоуста,
архиеп.Константинопольского (23.09.2003 12:40)
Уст твоих,яко же светлость огня возсиявши,благодать вселенную просвети:
несребролюбия мирови сокровища сниска,высоту нам смиренномудрия показа,
но,твоими словесы наказуя,отче Иоанне Златоусте,моли Слова Христа Бога
спастися душам нашим.
560. 27 cент. Воздвижение Честнаго и Животворящаго Креста (27.09.2004 11:34)
О,преславнаго чудесе! Живоносный сад,Крест Пресвятый,на высоту возносимь является днесь;
славословят вси концы земнии,устрашаются демонския полки.О,каковый дар земным даровася,
имже,Христе,спаси души наша,яко един Благоутробен.
Слава Отцу и Сыну и Святому Духу,и ныне и присно,и во веки веков,аминь.
Днесь происходит Крест Господень,и вернии приемлют того желанием,и вземлют исцеления
души же и тела,и всякия болезни. Сего целуим радостию и страхом: страхом греха ради,
яко недостойни суще,радостию же спасения ради,еже подает миру на том
пригвоздивыйся Христос Бог,имеяй велию милость.
Кресту Твоему покланяемся,Владыко,и святое воскресение Твое славим.