Чистотою души Божественне вооружився

1.

715. 1 августа. Обретение мощей прп.Серафима,Саровского чудотв
(29.07.2006 12:41)
В прославлении честных мощей твоих,преподобне,обитель Саровская
радости исполнися. Людие же вси дивному во святых Своих Богу взываху:
Господа пойте,дела,и превозносити Его во веки.
Преподобне отче наш Серафиме,моли Бога о нас.
307. 1 августа.Прп.Дия(ок.430г.)
(25.07.2003 16:32)
Чистотою души Божественне вооружився,непрестанну молитву,яко копие,
приим державно,разсекл еси демонов полки,чудотворче отче наш Дие,
моли непрестанно о всех нас.
398. 1 августа.Свтт.Митрофана(1703г.)и Тихона(1783г.),епп.Воронеж(29.07.2003 11:27)
Яко же на древле на Востоцех трие велицыи святителие,сильный словом Василий,
глубина Богословия Григорий и Златоустый Иоанн,тако и днесь в стране полунощней
три новоявленная светила веры на тверди церковней востекоша:столп веры Митрофан,
слово истины в лице царю исповедавый,и обличитель раскола Димитрий,мечем обоюду
острым вся козни его рассекий,и помазания полный сосуд Тихон,тихостию словес своих
грешника к покаянию призвавый.О велицыи трие святителие земли Российския,молите
Христа Бога,Емуже угодни бысте,спастися душам нашим.
397. 1 августа.Блгв.кн.Романа Олеговича,Рязанского(1270г.)
Мученьми странноужасными и доблестию терпения
всех преудивил еси,княже Романе: честных бо членов твоих
по составом резание и всего телесе твоего раздробление
претерпел еси за веру Христову.Темже и возшел еси
к Престолу Царя Христа Бога и явился еси новый предстатель
Церкве Рязанския.Молися убо ко Господу,да мир и благоденствие
дарует граду нашему,и испроси у Него милость и спасение
чтущим священную память твою,многострадальне.
(25.07.2003 16:45)