Положение ризы Господней в Москве

1.

105. 23 июля.Положение ризы Господней в Москве (22.07.2002 12:53)
Днесь притецем,вернии,к Божественней и цельбоносней ризе
Спасителя нашего Бога,благоизволившаго сию плотию носити
и на Кресте святую Свою Кровь излияти,еюже искупи нас
от работы вражия.Тем,благодаряще,вопием Ему:спаси отечество
наше,и архиереев,и град,и вся люди,честною Твоею ризою защити
и спаси души наша,яко Человеколюбец.
Величаем Тя,Живодавче Христе,и почитаем
вси Божественныя ризы Твоея честное положение.
351. 23 июля.45-ти мученикам в Никополе Армянском(ок.319г.)
(21.07.2003 11:56)
Единоумне душею связаны бывше,четыредесять с пятьми страдальцы святии,
на врага ополчистеся,победителие же явльшеся,приясте венцы от Христа
Бога и вечное мучений ваших воздаяние,тыя и нам улучите молите,
благочестно песньми вас величаюшим.
Христа ради,мученицы,многия муки подъясте и многобожие низложисте
все идольское,разрушисте безбожие всякия прелести,Христовою силою
сия поправше,нас верно научаете вопити яве:слава Тебе,Боже наш!
349. 22 июля.свт.Феодора,еп.Едесского(IXв.),мч.Михаила сновидца (18.07.2003 12:14)
От добляго наставника Феодора чистоту твердо извыче,и от нечестия царицы Сеиды целомудрием
по образу Иосифа сохранися,такоже и нечестиваго царя Адрамелеха премудрыми твоими глаголы
прения и ласкания низложив,и по Христе мучения венцем увязеся,Богомудрый Михаиле,
Егоже моли спасти души наша.
Прежде запенся богатственною сетию,яко человек,но последи нищетою нестяжания посрамил еси
врага и молитвами твоими,честный Феодосие,прият от Бога прозрения дар.Тем и честному епископу
Феодору пророче о Святей Церкви,еже на враги одоление,и ныне молися Христови за чтущих тя.
348. 22 июля.Сщмч.Панкратия,еп.Тавроменийского(I в.) (18.07.2003 12:04)
Светлая тавромениом,Панкратие,звезда показалася еси и священнострадалец явился еси за Христа:
Емуже ныне предстоя,моли за чтущия тя,блаженне.
753. 23 июля. Преподобного Антония Печерского,Киевского (17.07.2006 14:33)
Преподобне отче наш Антоние,моли Бога о нас.
300. 23 июля.Прп.Антония Печерского,Киевского,
начальника всех русских монахов (21.07.2003 12:20)
Возложив себе Богу,паче всех возлюбленному от юности,преподобне,Тому от всея души любовию
последовал еси,мира же тленная ни во что вменив,в земли пещеру соделал еси и,в ней добре
противу невидимаго врага козней подвизався,яко светозарное солнце,во вся концы земли
возсиял еси,отонудуже,веселяся,прешел еси к Небесным чертогом.И ныне со Ангелы
Владычню престолу предстоя,поминай нас,чтущих память твою,да зовем ти:
радуйся,Антоние,отче наш.
126. 23 июля.Антонию Печерскому,Киевскому (22.07.2002 13:04)
От мирскаго жития исшед,отвержением же мира Евангельски Христу последовал еси
и равноангельное житие пожив,в тихое пристанище Святые Горы Афона достигл еси.
Отонудуже благословением отцев в гору Киева пришед,и тамо трудолюбно жизнь совершив,
Отечество свое просветил еси,и множеству монашествующих стезю ведущую к Небесному Царствию
показав,Христу сия привел еси. Егоже моли,Антоние преподобне,да спасет души наша.
125. 23 июля - иконы Божией Матери КОНЕВСКАЯ (22.07.2002 12:44)
Возсия нам,яко солнце светозарное от востока в велелепии,Твоя,Владычице,икона,
озаряюще чудес сиянием преславно всех,выну приходящих к ней с верою и любовию
и молящихся усердно Твоему,еже о Сыне Твоем и Бозе,величию. Слава Богу,Арсением сию
давшему нам,слава возвратившему от Новаграда,слава Действующему тою всем исцеления.
710. 23 июля. Положение честной ризы Господа нашего Иисуса Христа (17.07.2006 14:31)
Величаем Тя,Живодавче Христе,и почитаем вси Божественныя ризы Твоея честное положение.