Декабрь православного календаря

1.

510. 25 дек.Свт.Спиридона,еп.Тримифунтского,чдтв.(ок.348г.) (17.12.2003 11:23)
Любовию Христовою уязвився,священнейший,ум вперив зарею Духа,
детельным видением твоим деяние обрел еси,богоприятне,жертвенник
Божественный быв,прося всем Божественнаго сияния.
791. (23.12.2006 11:42)
Слава Отцу и Сыну и Святому Духу,и ныне и присно,и во веки веков,аминь.
790. 25 декабря. Свт.Спиридона,еп.Тримифунтского,чудотворца(ок.348г
(23.12.2006 11:28)
Собора Перваго показался еси поборник и чудотворец,Богоносе Спиридоне,отче наш.
Темже мертву ты во гробе возгласив,и змию в злато претворил еси,и внегда пети тебе
святыя молитвы Ангелы,сослужащия тебе,имел еси,священнейший. Слава Давшему
тебе крепость,слава Венчавшему тя,слава Действующему тобою всем исцеления.
700. 25 декабря. Святому преподобному Ферапонту,
Монзенскому чудотворцу (22.12.2005 13:40)
О,преподобне отче,великий заступниче,скорый услышателю,угодниче Божий
и чудотворче Ферапонте! Не забуди нас,якоже обещался еси,посещай чада твоя;
аще бо и отшел еси от нас телом,но духом присно с нами пребываеши. Молим убо тя,
о преподобне отче: избави ны от огня и меча,от нашествия иноплеменных
и междоусобныя брани,от тлетворных ветров и от внезапныясмерти,и от всех прилог
вражиих,находящих на ны. Услыши ны грешныя,приими молитву и моление наше,
еже к тебе,яко кадило благовонное и яко жертву благоприятную приносим.
Умервщленныя злыми делы,словеси и помышленьми души наша,преподобне отче,
оживи и возстави. И якоже многих приходящия к цельбоносному твоему гробу
с верою,всякими скорбьми и болезньми люте страждущия исцелил еси,тако и нас
исцели от недугов душевных и телесных. Исторгни нас из глубины согрешений
и на путь покаяния настави,видимым твоим предстательством от видимых
и невидимых враг избавляя. Помози нам в житии сем и во исходе душ наших
и в будущей жизни,во веки веков. Аминь.
576. 25 декабря. Святителю Спиридону,епископу Тримифунтскому,
чудотворцу (19.12.2005 16:55)
О,преблаженне святителю Спиридоне,великий угодниче Христов
и преславный чудотворче! Предстоя на небеси Престолу Божию с лики
ангелов,призри милостивым оком на предстоящия зде люди и просящия
сильныя твоея помощи. Умоли благосердие Человеколюбца Бога,
да не осудит нас по беззаконием нашим,но да сотворит с нами
по милости Своей! Испроси нам у Христа Бога нашего мирное
и безмятежное бытие,здравие душевное и телесное,земли благоплодие
и во всем всякое изобилие и благоденствие,и да не во зло обратим благая,
даруемая нам от щедраго Бога,но во славу Его и в прославление твоего
заступления! Избави всех,верою несумненною к Богу приходящих,
от всяких бед душевных и телесных,от всех томлений и диавольских
наветов! Буди печальным утешитель,недугующим врач,в напастех помощник,
нагим покровитель,вдовицам заступник,сирым защитник,младенцем питатель,
старым укрепитель,странствующим путевождь,плавающим кормчий,
и исходатайствуй всем,крепкия помощи твоей требующим,вся,яже ко спасению
полезная! Яко да твоими молитвами наставляеми и соблюдаеми,достигнем
вечный покой и купно с тобою прославим Бога,в Троице Святей славимаго,
Отца и Сына и Святаго Духа,ныне и присно и во веки веков. Аминь.