497. 6 декабря. Свт. Григория, еп. Акрагантийского (VI-VIIв.в.). Псалмы

1.

497. 6 дек.Свт.Григория,еп.Акрагантийского(VI-VIIв.в.) (05.12.2003 15:18)
Светолучными сиянии Церковь Святаго Духа световодит,светлое совершающия твое успение,
преподобне отче,всеблаженне Григорие.
496. 6 дек.Свт.Амфилохия,еп.Иконийского(после 394г.) (05.12.2003 15:13)
Божественный гром,труба Духа,веры садоделателю и сечиво ересей,иерарше Амфилохие,
Троицы угодниче великий,со Ангелы предстоя присно,моли непрестанно о всех нас.
201. 6 декабря.Александру Невскому,благоверному великому князю (05.12.2002 13:29)
Яко благочестиваго корене пречестная отрасль был еси,блаженне Александре,яви бо тя Христос
яко некое Божественное сокровище Российстей земли,новаго чудотворца преславна и Богоприятна.
И днесь сошедшеся в память твою верою и любовию,во псалмех и пениих радующеся славим Господа,
давшаго тебе благодать исцелений.Егоже моли спасти град сей,и стране нашей Богоугодней быти,
и сыновом Российским спастися.
522. 6 дек.Блгв.вел.кн.Александра Невского,в схиме Алексия(1263г. (05.12.2003 15:31)
Величаем тя,святый благоверный княже Александре,и чтим святую память твою,
ты бо молиши за нас Христа Бога нашего.
521. 6 дек.Свт.Митрофана,в схиме Макария,еп.Воронежского(1703г.) (05.12.2003 15:28)
Правило веры и образ кротости и житием пастве твоей,отче смиренномудре Митрофане,был еси.
Темже и во светлостех святых солнца светлейши возсиял еси,венцем нетления и славы украшаемь,
моли Христа Бога стране нашей и граду твоему в мире спастися.
Воздержанием тело духу поработив,душу же равноангельну сотворив,святительскою одеялся еси
одеждею,яко венец священства,и ныне,всех Владыце предстоя,моли всеблаженне Митрофане,
умирити и спасти души наша.
754. 6 дек. Свт.Митрофана,в схиме Макария,еп.Воронежского(1703) (04.12.2006 14:56)
Недугующе телом,недугуем и душею,Богоблаженне,ты же не остави нас во гресех наших погибнути,
но в них же и сам яко человек искушаемь был еси и нам,искушаемым,ныне помози.
Преподобне отче Митрофане,моли Бога о нас.
835. 6 дек. Блгв.вел.кн.Александра Невского,в схиме Алексия(1263) (04.12.2006 14:48)
Благочестиваго и венценоснаго Александра,сошедшеся,по достоянию восхвалим,
яко чудес подателя обильнаго и Господу молящася о всех нас.
Святый благоверный княже Александре,моли Бога о нас.
161. 6 декабря.Святителю Митрофану,Воронежскому чудотворцу (05.12.2002 12:56)
Избранный чудотворче и изрядный угодниче Христов,многоцелебный источниче и молитвенниче
о душах наших,святителю Отче Митрофане,яко имеяй дерзновение ко Господу,от всяких нас бед
свободи,зовущих: Радуйся,Митрофане,великий и славный чудотворче.